Swindon Borough ಕೌನ್ಸಿಲ್‍ನ ಮೇಯರ್ ಆಗಿ ಭಾರತೀಯ ಮೂಲದ ಇಮ್ತಿಯಾಜ್ ಶೇಖ್ ಆಯ್ಕೆ

ಪಣಜಿ: ಸ್ವಿಂಡನ್ ಬರೋ ಕೌನ್ಸಿಲ್‍ನ ಮೇಯರ್ ಆಗಿ ಇಮ್ತಿಯಾಜ್ ಶೇಖ್ ಆಯ್ಕೆಯಾಗಿದ್ದಾರೆ. ಶೇಖ್ ಅವರು ಮೇಯರ್ ಆಗಿ ನೇಮಕಗೊಂಡ ಮೊದಲ ಭಾರತೀಯ ಮತ್ತು ಗೋಮಾಂತಿಕ ಮೂಲದವರು.

ಶೇಖ್ ಈ ಹಿಂದೆ ಸ್ವಿಂಡನ್‍ನ ಉಪ ಮೇಯರ್ ಆಗಿ ಸೇವೆ ಸಲ್ಲಿಸಿದ್ದರು. ಶೇಖ್ ಮಾಜಿ ಮೇಯರ್ ಬಾರ್ಬರಾ ಪ್ಯಾರಿ ನಂತರ ಮೇಯರ್ ಆಗಿ ನೇಮಕಗೊಂಡರು. ಅವರ ಪತ್ನಿ ಅಡೋರಾಬೆಲ್ಲೆ ಅಮರಲ್ ಶೇಖ್ ಸ್ವಿಂಡನ್‍ಗೆ ಕೌನ್ಸಿಲರ್ ಆಗಿದ್ದಾರೆ.

2005ರಲ್ಲಿ ಗೋವಾದ ವಾಸ್ಕೋದಿಂದ ಸ್ವಿಂಡನ್‍ಗೆ ತೆರಳಿದ ಶೇಖ್, ಒಂದು ವರ್ಷದ ಕಾಲ ಈ ಹುದ್ದೆಯಲ್ಲಿದ್ದರು. ಚುನಾವಣೆಯ ನಂತರ ಮಾಧ್ಯಮದವರೊಂದಿಗೆ ಮಾತನಾಡಿದ ಶೇಖ್, ಭಾರತೀಯ ಹಾಗೂ ಗೋವೇಕರ ನನಗೆ ನೀಡಿದ ಗೌರವಕ್ಕೆ ಇಲ್ಲಿನ ಜನತೆಗೆ ಕೃತಜ್ಞತೆ ಸಲ್ಲಿಸುತ್ತೇನೆ ಎಂದರು. ಇದು ನನಗೆ ದೊಡ್ಡ ಗೌರವ. ಮುಂದೆಯೂ ಇಲ್ಲಿನ ಜನರ ಅಭಿವೃದ್ಧಿಗೆ ಶ್ರಮಿಸುತ್ತೇನೆ. ನನ್ನ ಮುಂದೆ ದೊಡ್ಡ ಸವಾಲುಗಳಿವೆ. ಜನರ ಆಶೀರ್ವಾದದಿಂದ ನಾನು ಎಲ್ಲವನ್ನೂ ಜಯಿಸಲು ಸಾಧ್ಯವಾಗುತ್ತದೆ ಎಂದು ನಾನು ಭಾವಿಸುತ್ತೇನೆ ಎಂದು ಅವರು ಹೇಳಿದರು.