ಭಾರತೀಯ ಸೇನೆ ತೆಕ್ಕೆಗೆ ಪ್ರಳಯ್‌ ಕ್ಷಿಪಣಿ?

ಹೊಸದಿಲ್ಲಿ: ಚೀನವು ಪದೇ ಪದೆ ಭಾರತದೊಂದಿಗೆ ಕ್ಯಾತೆ ತೆಗೆಯುತ್ತಿರುವ ನಡುವೆಯೇ ಭಾರತೀಯ ಸಶಸ್ತ್ರ ಪಡೆಯು “ಪ್ರಳಯ್‌’ ಎಂಬ ಛೇದಕ ಕ್ಷಿಪಣಿಯನ್ನು ಖರೀದಿಸಲು ಚಿಂತನೆ ನಡೆಸಿದೆ.

500 ಕಿ.ಮೀ. ದೂರದಲ್ಲಿರುವ ಟಾರ್ಗೆಟ್‌ ಅನ್ನು ಛಿದ್ರಗೊಳಿಸಬಲ್ಲ ಸಾಮರ್ಥ್ಯ ಈ ಪ್ರಳಯ್‌ ಕ್ಷಿಪಣಿಗಿದೆ. ಇದನ್ನು ಹೊಂದುವ ಕುರಿತು ರಕ್ಷಣ ಪಡೆಗಳು ಈಗಾಗಲೇ ಪ್ರಸ್ತಾವ ಸಲ್ಲಿಸಿದ್ದು, ಇದೇ ವಾರ ನಡೆಯಲಿರುವ ಉನ್ನತ ಮಟ್ಟದ ಸಭೆಯಲ್ಲಿ ಇದಕ್ಕೆ ಅನುಮತಿ ದೊರೆಯುವ ಸಾಧ್ಯತೆಯಿದೆ. ಕಳೆದ ವರ್ಷವೇ ಈ ಕ್ಷಿಪಣಿಯನ್ನು 2 ಬಾರಿ ಯಶಸ್ವಿಯಾಗಿ ಪರೀಕ್ಷೆ ನಡೆಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.