Advertisement
ಮೂರು ಪಂದ್ಯಗಳ ಈ ಹಾಲಿ ಟೆಸ್ಟ್ ಸರಣಿಯಲ್ಲಿ ಆತಿಥೇಯ ಭಾರತ ಈಗ 1-0 ಮುನ್ನಡೆಯನ್ನು ಸ್ಥಾಪಿಸಿದೆ. ಮಳೆಯಿಂದ ಬಾಧಿತವಾಗಿದ್ದ ಕೋಲ್ಕತ ಈಡನ್‌ ಗಾರ್ಡನ್‌ ಅಂಗಣದಲ್ಲಿ ನಡೆದಿದ್ದ ಮೊದಲ ಟೆಸ್ಟ್ ಪಂದ್ಯವನ್ನು ಮಳೆ ಹಾಗೂ ಬೆಳಕಿನ ಕೃಪೆಯಿಂದ ಅದೃಷ್ಟಶಾಲಿ ಲಂಕಾ ತಂಡ ಡ್ರಾ ಮಾಡಿಕೊಂಡಿತ್ತು.
Related Articles
Advertisement
ಅಶ್ವಿ‌ನ್‌ ಅವರಿಂದು ಲಂಕೆಯ ಲಾಹಿರು ಗಮೇಜ್‌ ಅವರನ್ನು ಅನೂಹ್ಯ ದೂಸ್‌ರಾ ಹಾಕಿ ಔಟ್ ಮಾಡುವ ಮೂಲಕ ಲಂಕೆಯ ಇನ್ನಿಂಗ್ಸ್‌ಗೆ ತೆರೆ ಎಳೆದರು. ಈ ಮೂಲಕ ಅವರು ಕೇವಲ 130 ರನ್ ವೆಚ್ಚಕ್ಕೆ ಎಂಟು ವಿಕೆಟ್‌ ಕೀಳುವ ಸಾಧನೆಯನ್ನು ಈ ಟೆಸ್ಟ್ ಪಂದ್ಯದಲ್ಲಿ ಮಾಡಿದರು.
ಲಂಕೆಯ ನಾಯಕ ದಿನೇಶ್‌ ಚಂಡಿಮಾಲ್‌ ಅವರೋರ್ವರೇ ಭಾರತದ ಮಾರಕ ಬೌಲಿಂಗ್‌ ದಾಳಿಯನ್ನು ತಾಳಿಕೊಂಡು ತಮ್ಮ ತಂಡಕ್ಕೆ 61 ರನ್‌ಗಳ ಗರಿಷ್ಠ ಕೊಡುಗೆಯನ್ನು ನೀಡಿದರು.
ಇಂದು ಲಂಕೆಯ ಬೆನ್ನೆಲುಬು ಮುರಿಯುವಲ್ಲಿ ಇಶಾಂತ್‌ ಶರ್ಮಾ (43/2) ಮತ್ತು ರವೀಂದ್ರ ಜಡೇಜ (2/28) ಗಮನಾರ್ಹ ಪಾತ್ರ ವಹಿಸಿದರು. ಮುರಳಿ ವಿಜಯ್‌ ಅವರ ಚುರುಕಿನ ಫೀಲ್ಡಿಂಗ್‌ ಲಂಕೆಗೆ ಮಾರಕವೆನಿಸಿತು.
ಉಮೇಶ್‌ ಯಾದವ್‌ (2/30) ಅವರಿಗೆ ಇಂದು ತಮ್ಮ 100ನೇ ಟೆಸ್ಟ್ ವಿಕೆಟ್‌ ಗಳಿಸುವ ಅವಕಾಶ ಸ್ವಲ್ಪದರಲ್ಲೇ ಕಳೆದು ಹೋಯಿತು. ಅಶ್ವಿ‌ನ್‌ ಮತ್ತು ಇತರರು ಲಂಕೆಯ ವಿಕೆಟ್‌ಗಳನ್ನು ಹಂಚಿಕೊಂಡದ್ದು ಉಮೇಶ್‌ ಯಾದವ್‌ ಸಾಧನೆಗೆ ಅಡ್ಡಿಯಾಯಿತು.
2ನೇ ಕ್ರಿಕೆಟ್‌ ಟೆಸ್ಟ್ ಪಂದ್ಯದ ಸಂಕ್ಷಿಪ್ತ ಸ್ಕೋರ್‌ :ಭಾರತ : ಮೊದಲ ಇನ್ನಿ,ಗ್ಸ್‌ 610/6 ಡಿಕ್ಲೇರ್‌ (176.1 ಓವರ್‌); ಲಂಕಾ : ಮೊದಲ ಇನ್ನಿಂಗ್ಸ್‌ : 205 (79.1), 2ನೇ ಇನ್ನಿಂಗ್ಸ್‌ 166 (49.3)