15ನೇ ಶತಮಾನದ ಪ್ರತಿಮೆಗಳನ್ನು ವಾಪಸ್‌ ತರುವಲ್ಲಿ ಭಾರತ ಸಫ‌ಲ

ಚೆನ್ನೈ: ತಮಿಳುನಾಡಿನ ಆನಂದಮಂಗಲಂ ಮಂದಿರದಿಂದ ಕಳುವಾಗಿ ಲಂಡನ್‌ ಸೇರಿದ್ದ ರಾಮ, ಸೀತೆ ಮತ್ತು ಲಕ್ಷಣರ ಕಂಚಿನ ವಿಗ್ರಹಗಳನ್ನು ಭಾರತಕ್ಕೆ ವಾಪಸ್‌ ತರುವಲ್ಲಿ ಕೇಂದ್ರ ಸರಕಾರ ಯಶಸ್ವಿಯಾಗಿದೆ. ಈ ಪ್ರತಿಮೆಗಳನ್ನು ಕೇಂದ್ರ ಪ್ರವಾಸೋದ್ಯಮ ಮತ್ತು ಸಂಸ್ಕೃತಿಯ ರಾಜ್ಯ ಖಾತೆ ಸಚಿವ ಪ್ರಲ್ಹಾದ್‌ ಸಿಂಗ್‌ ಪಟೇಲ್‌, ತಮಿಳುನಾಡಿನ ಸಿಐಡಿ ಅಧಿಕಾರಿಗಳಿಗೆ ಹಸ್ತಾಂತರಿಸಿದ್ದಾರೆ.

“‘ಲಂಡನ್‌ನಲ್ಲಿನ ಡೀಲರ್‌ ಬಳಿಯಿದ್ದ ಈ ಪ್ರತಿಮೆಗಳನ್ನು ಹಿಂಪಡೆಯಲು ಶ್ರಮಿಸಿದ ಎಲ್ಲರಿಗೂ ಇದು ಹೆಮ್ಮೆಯ ಸಂಗತಿ. ಇಈ ಪ್ರಯತ್ನದಲ್ಲಿ ಲಂಡನ್‌ನಲ್ಲಿನ ಭಾರತೀಯ ಹೈಕಮಿಷನ್‌ನ ಪಾತ್ರವೂ ಪ್ರಮುಖವಾಗಿದೆ. ತಮಿಳುನಾಡು ಮುಖ್ಯಮಂತ್ರಿ ಪಳನಿಸ್ವಾಮಿಯವರ ಸಹಾಯವೂ ಅಧಿಕವಿದೆ” ಎಂದು ತಮಿಳುನಾಡಿನ ಎಡಿಜಿಪಿ ಅಭಯ್‌ ಕುಮಾರ್‌ ಸಿಂಗ್‌ ಹೇಳಿದ್ದಾರೆ.