ಇಂಡಿಯಾ ರೆಡ್‌ ದುಲೀಪ್‌ ಟ್ರೋಫಿ ಚಾಂಪಿಯನ್‌

ಬೆಂಗಳೂರು: ಇಂಡಿಯಾ ಗ್ರೀನ್‌ ತಂಡವನ್ನು ಇನ್ನಿಂಗ್ಸ್‌ ಹಾಗೂ 38 ರನ್‌ ಅಂತರದಿಂದ ಮಣಿಸಿದ ಇಂಡಿಯಾ ರೆಡ್‌ ತಂಡ 2019ನೇ ಸಾಲಿನ ದುಲೀಪ್‌ ಟ್ರೋಫಿ ಚಾಂಪಿಯನ್‌ ಆಗಿ ಮೂಡಿಬಂದಿದೆ.

157 ರನ್ನುಗಳ ಹಿನ್ನಡೆಗೆ ಸಿಲುಕಿದ ಬಳಿಕ ದ್ವಿತೀಯ ಇನ್ನಿಂಗ್ಸ್‌ನಲ್ಲಿ ತೀವ್ರ ಬ್ಯಾಟಿಂಗ್‌ ಕುಸಿತ ಅನುಭವಿಸಿದ ಇಂಡಿಯಾ ಗ್ರೀನ್‌ 119ಕ್ಕೆ ಆಲೌಟ್‌ ಆಯಿತು. ಅಕ್ಷಯ್‌ ವಖಾರೆ 13 ರನ್ನಿಗೆ 5 ವಿಕೆಟ್‌ ಉಡಾಯಿಸಿ ಗ್ರೀನ್‌ ತಂಡಕ್ಕೆ ಕಂಟಕವಾಗಿ ಪರಿಣಮಿಸಿದರು.