2030ರೊಳಗೆ ದೇಶದ GDP ಭಾರೀ ಜಿಗಿತ,3ನೇ ದೊಡ್ಡ ಆರ್ಥಿಕತೆ: NALCO CMD

ಭುವನೇಶ್ವರ : 2030ರ ವೇಳೆಗೆ ಭಾರತದ ಜಿಡಿಪಿ ಭಾರೀ ದೊಡ್ಡ ನೆಗೆತವನ್ನು ಸಾಧಿಸಲಿದ್ದು  ವಿಶ್ವದ ಮೂರನೇ ಅತೀ ದೊಡ್ಡ ಆರ್ಥಿಕತೆಯಾಗಿ ಹೊರಹೊಮ್ಮಲಿದೆ ಎಂದು ದೇಶದ ಅಲ್ಯುಮಿನಿಯಂ ಕ್ಷೇತ್ರದ ದಿಗ್ಗಜ ಸಂಸ್ಥೆಯಾಗಿರುವ ನ್ಯಾಲ್ಕೋ ಸಿಎಂಡಿ ತಪನ್‌ ಕುಮಾರ್‌ ಚಂದ್‌ ಹೇಳಿದ್ದಾರೆ.

ಭಾರತವು ವಿಶ್ವದ ಅತ್ಯಂತ ಕಿರಿಯ ಮತ್ತು ಅತೀ ವೇಗದ ಪ್ರಗತಿಯನ್ನು ಕಾಣುತ್ತಿರುವ ದೇಶವಾಗಿದ್ದು ಇದರ ಶೇ 65ರಷ್ಟು  ಜನಸಂಖ್ಯೆ ದುಡಿಯುವ ಸಮೂಹವಾಗಿರುವುದರಿಂದ ದೇಶದ ಆರ್ಥಿಕ ಪ್ರಗತಿಯ ಭಾರೀ ನೆಗೆತಕ್ಕೆ ಇದರಿಂದ ಮಹತ್ತರ ಕಾಣಿಕೆ ಸಿಗಲಿದೆ ಎಂದು ತಪನ್‌ ಕುಮಾರ್‌ ಚಂದ್‌ ಹೇಳಿದರು. 

ಭಾರತ ಇಷ್ಟೊಂದು ದೊಡ್ಡ ಪ್ರಮಾಣದ ತನ್ನ ದುಡಿಯುವ ಸಮೂಹವನ್ನು ಸರಿಯಾಗಿ ಬಳಸಿಕೊಂಡರೆ 2030ರ ವೇಳೆಗೆ ಅದು ವಿಶ್ವದ ಮೂರನೇ ಅತೀ ದೊಡ್ಡ ಆರ್ಥಿಕತೆಯಾಗಿ ಮೂಡಿಬರುವು ನಿಶ್ಚಿತ ಎಂದು ತಪನ್‌ ಹೇಳಿದರು. ಅವರು ನ್ಯಾಶನಲ್‌ ಸಿಎ ಕಾನ್ಫರೆನ್ಸ್‌ನಲ್ಲಿ ಮಾತನಾಡುತ್ತಿದ್ದರು.