ಪರಮಾಣು ಘಟಕ, ಕೈದಿ ಪಟ್ಟಿ ವಿನಿಮಯಿಸಿಕೊಂಡ ಭಾರತ –ಪಾಕಿಸ್ಥಾನ

ಹೊಸದಿಲ್ಲಿ : ಪರಸ್ಪರರ ಪರಮಾಣು ಘಟಕಗಳ ಮೇಲೆ ಪರಸ್ಪರರು ದಾಳಿ ನಡೆಸುವುದನ್ನು ನಿಷೇಧಿಸುವ ದ್ವಿಪಕ್ಷೀಯ ಒಪ್ಪಂದಕ್ಕೆ ಅನುಗುಣವಾಗಿ ಭಾರತ ಮತ್ತು ಪಾಕಿಸ್ಥಾನ ನಿರಂತರ 28ನೇ ವರ್ಷದಲ್ಲಿ ಇಂದು ತಮ್ಮ ಪರಮಾಣು ಘಟಕಗಳ ತಾಜಾ ಪಟ್ಟಿಯನ್ನು ವಿನಿಮಯಿಸಿಕೊಂಡವು.

ಇದೇ ರೀತಿ ಉಭಯ ದೇಶಗಳು ತಮ್ಮ ಬಂಧೀಖಾನೆಯಲ್ಲಿರುವ ಪೌರ ಕೈದಿಗಳು ಮತ್ತು ಮೀನುಗಾರರ ಪಟ್ಟಿಯನ್ನು ಕೂಡ ಹಂಚಿಕೊಂಡವು. 

ಭಾರತ ತನ್ನ ಜೈಲಿನಲ್ಲಿ 249 ಪಾಕ್‌ ಪೌರ ಕೈದಿಗಳು ಹಾಗೂ 98 ಪಾಕ್‌ ಬೆಸ್ತರು ಇರುವುದನ್ನು ಖಚಿತ ಪಡಿಸಿತು. ಅದೆ ರೀತಿ ಪಾಕಿಸ್ಥಾನ ತನ್ನ ಜೈಲಿನಲ್ಲಿ 54 ಭಾರತೀಯ ಪೌರ ಕೈದಿಗಳು ಮತ್ತು 483 ಬೆಸ್ತರು ಇರುವುದನ್ನು ದೃಢಪಡಿಸಿತು.