ಫಿಫಾ ಕಿರಿಯರ ವಿಶ್ವಕಪ್‌:ಸೋಲಿನೊಂದಿಗೆ ಸಮರ ಮುಗಿಸಿದ ಭಾರತ

ನವದೆಹಲಿ: ಫಿಫಾ ವಿಶ್ವಕಪ್‌ ಕಿರಿಯರ ಫ‌ುಟ್‌ಬಾಲ್‌ ಕೂಟದಲ್ಲಿ 2 ಬಾರಿಯ ಚಾಂಪಿಯನ್‌ ಘಾನಾ ತಂಡದ ವಿರುದ್ಧ ಭಾರತ 4-0 ಗೋಲುಗಳ ಅಂತರದಿಂದ ಸೋಲು ಕಂಡಿತು.ಇದರೊಂದಿಗೆ ಭಾರತ “ಎ’ ಗುಂಪಿನಲ್ಲಿ ಆಡಿದ ಮೂರೂ ಪಂದ್ಯಗಳಲ್ಲಿ ಸೋತು ಕೂಟದಿಂದ ಅಧಿಕೃತವಾಗಿ ಹೊರಬಿತ್ತು. 

ಗೆದ್ದ ಘಾನಾ ತಂಡ ಕ್ವಾರ್ಟರ್‌ಫೈನಲ್‌ಗೆ ಪ್ರವೇಶ ಪಡೆಯಿತು. ಭಾರತ ಲೀಗ್‌ ಹಂತದ ಮೊದಲ ಪಂದ್ಯದಲ್ಲಿ ಅಮೆರಿಕ, 2ನೇ ಪಂದ್ಯದಲ್ಲಿ ಕೊಲಂಬಿಯಾ ವಿರುದ್ಧ ಸೋತಿತ್ತು. ಆತಿಥೇಯ ರಾಷ್ಟ್ರವೆಂಬ ಕಾರಣಕಷ್ಟೇ ಭಾರತಕ್ಕೆ ಕೂಟದಲ್ಲಿ ಪಾಲ್ಗೊಳ್ಳಲು ಅವಕಾಶ ಸಿಕ್ಕಿತ್ತು. ಮೊದಲ ಪ್ರಯತ್ನದಲ್ಲಿ ಭಾರತ ಯಶಸ್ವಿ ಆಟ ಪ್ರದರ್ಶಿಸಿ ಅಭಿಮಾನಿಗಳ ಗಮನ ಸೆಳೆಯಿತು ಎನ್ನುವುದು ಗಮನಾರ್ಹವಾದ ಸಂಗತಿ.