Advertisement
ಸಾತ್ವಿಕ್-ಚಿರಾಗ್ ಅವರು ವಿಶ್ವ ಚಾಂಪಿಯನ್ ಕಾಂಗ್ ಮಿನ್ ಹ್ಯುಕ್ ಮತ್ತು ಸಿಯೊ ಸಾಂಗ್ ಜಾಯಿ ಅವರೆದುರು 21-15, 11-21, 18-21 ಗೇಮ್ಗಳಿಂದ ಸೋತರು. ಅವರು ಸತತ ಎರಡನೇ ಕೂಟದಲ್ಲಿ ರನ್ನರ್ ಅಪ್ ಸ್ಥಾನ ಪಡೆದರು. ಕಳೆದ ವಾರ ನಡೆದ ಮಲೇಷ್ಯ ಸೂಪರ್ 1000 ಕೂಟದ ಫೈನಲ್ನಲ್ಲೂ ಸಾತ್ವಿಕ್-ಚಿರಾಗ್ ಫೈನಲ್ನಲ್ಲಿ ಸೋತು ರನ್ನರ್ ಅಪ್ ಸ್ಥಾನ ಪಡೆದಿದ್ದರು.
ಚೈನೀಸ್ ತೈಪೆಯ ತೈ ಜು ಯಿಂಗ್ ಅವರು ಅಮೋಘವಾಗಿ ಚೀನದ ಚೆನ್ ಯು ಫೈ ಅವರನ್ನು 21-16, 21-12 ಗೇಮ್ಗಳಿಂದ ಕೆಡಹಿ ವನಿತೆಯರ ಸಿಂಗಲ್ಸ್ ಪ್ರಶಸ್ತಿ ಜಯಿಸಿದರು. ವಿಶ್ವದ ಎರಡನೇ ರ್ಯಾಂಕಿನ ಶಿ ಯು ಕಿ ಅವರು ಹಾಂಕಾಂಗ್ನ ಲೀ ಚೆಯುಕ್ ಯಿಯು ಅವರನ್ನು 23-21, 21-17 ಗೇಮ್ಗಳಿಂದ ಕೆಡಹಿ ಪುರುಷರ ವಿಭಾಗದ ಪ್ರಶಸ್ತಿ ಪಡೆದರು.