ವ್ಯಾವಹಾರಿಕ ಸೂಚ್ಯಂಕದಲ್ಲಿ ಭಾರತ ಮುನ್ನಡೆ

ಆರ್ಥಿಕ ಕ್ಷೇತ್ರದಲ್ಲಿ ಸೃಷ್ಟಿಯಾದ ಬಿಕ್ಕಟ್ಟು ಉತ್ಪಾದನೆ ಹಾಗೂ ಮಾರಾಟ ವಲಯದ ಕುಸಿತಕ್ಕೆ ಕಾರಣವಾಗಿತ್ತು. ಆದರೆ ಜಾಗತಿಕ ವ್ಯಾವಹಾರಿಕ ಸೂಚ್ಯಂಕದಲ್ಲಿ ಭಾರತ ಆರ್ಥಿಕ ವಲಯದ ಕಾರ್ಯಕ್ಷಮತೆ ಸುಧಾರಿಸಿದೆ ಎಂದು ವಿಶ್ವ ಬ್ಯಾಂಕ್‌ನ ವರದಿ ತಿಳಿಸಿದೆ. ಈ ಸುಧಾರಣೆಗೆ ಕಾರಣವೇನು? ವರದಿ ಏನು ಹೇಳುತ್ತದೆ ಇಲ್ಲಿದೆ ಮಾಹಿತಿ.

ಏನಿದು ಸಮೀಕ್ಷೆ :  ವ್ಯಾವಹಾರಿಕ ಚಟುವಟಿಕೆಗಳಲ್ಲಿ ವಿಶ್ವದ ದೇಶಗಳ ಕಾರ್ಯಕ್ಷಮತೆ ಹಾಗೂ ಬೆಳವಣಿಗೆಯನ್ನು ಅಳೆಯಲು ವಿಶ್ವ ಬ್ಯಾಂಕ್‌ ಪ್ರತಿ ವರ್ಷ ಈ ಸಮೀಕ್ಷೆ ನಡೆಸುತ್ತದೆ. 2003ರಲ್ಲಿ ಆರಂಭವಾದ ಈ ಸಮೀಕ್ಷೆಗೆ “ಡೂಯಿಂಗ್‌ ಬಿಸಿನೆಸ್‌ ರಿಪೋರ್ಟ್‌’ (ಡಿಬಿ) ಎಂದು ಕರೆಯಲಾಗುತ್ತಿದೆ.

190 ದೇಶಗಳು ಭಾಗಿ:  ಈಗ ವಿಶ್ವ ಬ್ಯಾಂಕ್‌ ಈ ಸಮೀಕ್ಷೆಯನ್ನು ನಡೆಸುತ್ತಿದ್ದು, ಭಾರತ ಒಳಗೊಂಡತೆ 190 ದೇಶಗಳನ್ನು ಪ್ರತಿವರ್ಷ ಸಮೀಕ್ಷೆಗೆ ಒಳಪಡಿಸಲಾಗುತ್ತದೆ.

14 ಸ್ಥಾನಗಳ ಮುನ್ನಡೆ :  ಪ್ರಸಕ್ತ ಸಾಲಿನ ವ್ಯವಹಾರ ಸೂಚ್ಯಂಕದಲ್ಲಿ ಭಾರತಕ್ಕೆ 63ನೇ ಸ್ಥಾನ ಲಭಿಸಿದ್ದು, ಕಳೆದ ವರ್ಷ 77ನೇ ಸ್ಥಾನದಲ್ಲಿತ್ತು. ಈ ವರ್ಷ 14 ಸ್ಥಾನಗಳ ಮುನ್ನಡೆ ಸಾಧಿಸಿದೆ.

ಮೇಕ್‌ ಇನ್‌ ಇಂಡಿಯಾ :  ಮೇಕ್‌ ಇನ್‌ ಇಂಡಿಯಾದಂತಹ ಯೋಜನೆಗಳು ವಿದೇಶಿ ಹೂಡಿಕೆಯನ್ನು ಆಕರ್ಷಿಸುತ್ತಿದ್ದು, ಬಂಡವಾಳ ಹೂಡಿಕೆ ಚಟುವಟಿಕೆಗಳ ಮೇಲೆ ಸಕಾರಾತ್ಮಕ ಪರಿಣಾಮ ಬೀರುತ್ತಿವೆ.

ಈ ಕ್ಷೇತ್ರಗಳಲ್ಲಿ ಮಹತ್ತರಸುಧಾರಣೆ :  ಆರ್ಥಿಕ ಕ್ಷೇತ್ರದಲ್ಲಿನ ದಿವಾಳಿತನವನ್ನು ನಿವಾರಿಸುವುದು, ನಿರ್ಮಾಣ ಪರವಾನಿಗೆಗಳನ್ನು ನಿಭಾಯಿಸುವುದು, ಆಸ್ತಿಯನ್ನು ನೋಂದಾಯಿಸುವುದು, ಗಡಿಯುದ್ದಕ್ಕೂ ವ್ಯಾಪಾರ ಮಾಡುವುದು ಮತ್ತು ತೆರಿಗೆ ಸೂಚಕಗಳನ್ನು ಪಾವತಿಸುವಲ್ಲಿ ಗಮನಾರ್ಹ ಸುಧಾರಣೆಗಳನ್ನು ದಾಖಲಿಸಲಾಗಿದೆ ಎಂದು ವರದಿ ಹೇಳಿದೆ.

ಮಾನದಂಡಗಳು :

ನೂತನ ವ್ಯವಹಾರ ಪ್ರಾರಂಭ, ಪರವಾನಿಗೆ ವಿತರಣೆ, ವಿದ್ಯುತ್‌ ಸಂಪರ್ಕ, ಆಸ್ತಿ ನೋಂದಣಿ, ಸಣ್ಣ ಮಟ್ಟದ ಹೂಡಿಕೆದಾರರ ಹಿತಾಸಕ್ತಿ ರಕ್ಷಣೆ, ತೆರಿಗೆ ಪಾವತಿ, ಗಡಿ ಭಾಗದಲ್ಲಿ ವ್ಯಾಪಾರ ಚಟುವಟಿಕೆ, ದಿವಾಳಿತನ ಸಮಸ್ಯೆ ನಿವಾರಣೆ ಮೊದಲಾದ ಅಂಶಗಳನ್ನು ಸೂಚ್ಯಂಕದಲ್ಲಿ ದೇಶವೊಂದರ ನಿರ್ದಿಷ್ಟ ಸ್ಥಾನಕ್ಕೆ ಪರಿಗಣಿಸಲಾಗುತ್ತದೆ. ಈ 10 ಮಾನದಂಡಗಳ ಪೈಕಿ ಭಾರತ 7ರಲ್ಲಿ ಉತ್ತಮ ಪ್ರದರ್ಶನ ತೋರಿದ್ದು, ಅಂತಾರಾಷ್ಟ್ರೀಯ ಮಟ್ಟದಲ್ಲಿನ ಚಟುವಟಿಕೆಗಳಲ್ಲಿಯೂ ಕ್ರಿಯಾಶೀಲವಾಗಿ ಪಾಲ್ಗೊಂಡಿದೆ.

 

ಟಾಪ್‌ 10 ದೇಶಗಳು :

• ನ್ಯೂಜಿಲ್ಯಾಂಡ್‌
• ಸಿಂಗಾಪುರ್‌
• ಹಾಂಗ್‌ ಕಾಂಗ್‌
• ಡೆನ್ಮಾರ್ಕ್‌
• ರಿಪಬ್ಲಿಕ್‌ ಆಫ್
• ಕೊರಿಯಾ
• ಅಮೆರಿಕ
• ಜಾರ್ಜಿಯಾ
• ಯುನೈಟೆಡ್‌
• ಕಿಂಗ್‌ಡಮ್‌
• ನಾರ್ವೆ
• ಸ್ವೀಡನ್‌

 

108ನೇ ಸ್ಥಾನ: 2019ನೇ ಸಾಲಿನ ವ್ಯಾವಹಾರಿಕ ಸೂಚ್ಯಂಕ ಪಟ್ಟಿಯಲ್ಲಿ ಪಾಕಿಸ್ಥಾನ ಪಡೆದುಕೊಂಡಿರುವ ದರ್ಜೆ