India economy ಅರ್ಥವ್ಯವಸ್ಥೆ ಶೇ.6.4ರ ದರದಲ್ಲಿ ಬೆಳವಣಿಗೆ

ನವದೆಹಲಿ: ದೇಶದ ಅರ್ಥ ವ್ಯವಸ್ಥೆಯ ಬಗ್ಗೆ ಪ್ರಮುಖ ರೇಟಿಂಗ್ಸ್‌ ಸಂಸ್ಥೆ ಸ್ಟಾಂಡರ್ಡ್‌ ಆ್ಯಂಡ್‌ ಪೂರ್‌ (ಎಸ್‌ಆ್ಯಂಡ್‌ಪಿ) ಮೆಚ್ಚುಗೆ ವ್ಯಕ್ತಪಡಿಸಿದೆ.

ಜತೆಗೆ ಪ್ರಸಕ್ತ ವಿತ್ತೀಯ ವರ್ಷದಲ್ಲಿ ಶೇ.6.4ರ ದರದಲ್ಲಿ ಅರ್ಥವ್ಯವಸ್ಥೆ ಬೆಳವಣಿಗೆ ಸಾಧಿಸಲಿದೆ ಎಂದು ಮುನ್ಸೂಚನೆ ನೀಡಿದೆ. ಹಣದುಬ್ಬರ ಮೇಲಿನ ನಿಯಂತ್ರಣ ಈ ಬೆಳವಣಿಗೆಗೆ ಕಾರಣ ಎಂದು ಹೇಳಿದೆ.

ಪ್ರಸಕ್ತ ವಿತ್ತೀಯ ವರ್ಷದ ಆರಂಭದಲ್ಲಿ ರೇಟಿಂಗ್ಸ್‌ ಸಂಸ್ಥೆ ಶೇ.6ರ ದರದಲ್ಲಿ ಅರ್ಥ ವ್ಯವಸ್ಥೆ ಬೆಳವಣಿಗೆ ಸಾಧಿಸಲಿದೆ ಎಂದು ಹೇಳಿತ್ತು.

ಗಮನಾರ್ಹ ಅಂಶವೆಂದರೆ, 2024-25ನೇ ಸಾಲಿನಲ್ಲಿ ಅರ್ಥವ್ಯವಸ್ಥೆ ಶೇ.6.9ರ ಬದಲಾಗಿ ಶೇ.6.4ರ ದರದಲ್ಲಿ ಬೆಳವಣಿಗೆ ಸಾಧಿಸಲಿದೆ ಎಂದಿದೆ. ಜಗತ್ತಿನ ಅರ್ಥ ವ್ಯವಸ್ಥೆಯ ಋಣಾತ್ಮಕ ಬೆಳವಣಿಗೆ, ಬಡ್ಡಿ ದರ ಏರಿಕೆಯ ಪರಿಣಾಮದಿಂದ ಬೆಳವಣಿಗೆ ತಗ್ಗಬಹುದು ಎಂದು ಮುನ್ಸೂಚನೆ ನೀಡಿದೆ.