ನವದೆಹಲಿ: ಭಾರತದಲ್ಲಿ ಕಳೆದ 24 ಗಂಟೆಗಳಲ್ಲಿ 37,724 ಹೊಸ ಕೋವಿಡ್ ಪ್ರಕರಣಗಳು ವರದಿಯಾಗಿದ್ದು 648 ಜನರು ಮೃತರಾಗಿದ್ದಾರೆ ಎಂದು ಆರೋಗ್ಯ ಸಚಿವಾಲಯ ತಿಳಿಸಿದೆ.
ಮಾತ್ರವಲ್ಲದೆ ಒಟ್ಟು ಸೊಂಕಿತರ ಸಂಖ್ಯೆ ಸರಿಸುಮಾರು 12 ಲಕ್ಷ ತಲುಪಿದ್ದು ಈಗಾಗಲೇ 7,53,050 ಜನರು ಗುಣಮುಖರಾಗಿದ್ದಾರೆ. ಇದರ ಜೊತೆಗೆ ಒಟ್ಟು ಮರಣಪಟ್ಟವರ ಸಂಖ್ಯೆ 28,732 ಕ್ಕ ತಲುಪಿದೆ. ಇದೀಗ ಸಕ್ರೀಯ ಪ್ರಕರಣಗಳ ಸಂಖ್ಯೆ 4.11 ಲಕ್ಷದಷ್ಟಿದೆ.
ದೇಶದಲ್ಲಿ ಗುಣಮುಖರಾಗುವವರ ಪ್ರಮಾಣ 63.12% ರಷ್ಟಿದ್ದು ಇದೊಂದು ಆಶಾದಾಯಕ ಬೆಳವಣಿಗೆಯಾಗಿದೆ ಎಂದು ವರದಿ ತಿಳಿಸಿದೆ. ಜುಲೈ 21ರ ವೇಳಗೆ ಸುಮಾರು 1.47 ಕೋಟಿ ಜನರು ಗಂಟಲು ದ್ರವ ಮಾದರಿಗಳನ್ನು ಪರೀಕ್ಷಿಸಲಾಗಿದೆ. ಇದರಲ್ಲಿ ಕಳೆದ 24 ಗಂಟೆಯೊಂದರಲ್ಲೆ 3,43,243 ಪರೀಕ್ಷೆಗಳನ್ನು ನಡೆಸಲಾಗಿದೆ.
ಜಾಗತಿಕವಾಗಿ 1,50,97,650 ಸೊಂಕಿತ ಪ್ರಕರಣಗಲಳಿದ್ದು ಇದರಲ್ಲಿ 6,19,558 ಜನರು ಸಾವನ್ನಪ್ಪಿದ್ದಾರೆ. 91,15,482 ಜನರು ಸೊಂಕಿನಿಂದ ಮುಕ್ತರಾಗಿದ್ದಾರೆ ಎಂದು ವರ್ಲ್ಡ್ ಮೀಟರ್ ಅಂಕಿ ಅಂಶಗಳು ತಿಳಿಸಿವೆ.
