ಆಸೀಸ್‌ಗೆ 84 ರನ್‌ ಅಮೂಲ್ಯ ಲೀಡ್‌; ಜಡೇಜಗೆ 6 ವಿಕೆಟ್‌ ಗೊಂಚಲು

ಬೆಂಗಳೂರು : ಇಲ್ಲಿನ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಭಾರತ-ಆಸ್ಟ್ರೇಲಿಯ ನಡುವಿನ ಎರಡನೇ ಟೆಸ್ಟ್‌ ಪಂದ್ಯದ ಇಂದಿನ ಮೂರನೇ ದಿನದಾಟದಂದು ಬೆಳಗ್ಗೆ ಆಸ್ಟ್ರೇಲಿಯ ತನ್ನ ಮೊದಲ ಇನ್ನಿಂಗ್ಸ್‌ನಲ್ಲಿ  276 ರನ್‌ಗಳಿಗೆ ಆಲೌಟಾಗಿದೆ. ಆ ಮೂಲಕ ಅದು 87 ರನ್‌ ಗಳ ಅತ್ಯಮೂಲ್ಯ ಲೀಡ್‌ ಸಂಪಾದಿಸಿದೆ. 

ನಿನ್ನೆಯ ಎರಡನೇ ದಿನದಾಟದ ಅಂತ್ಯಕ್ಕೆ  ಆರು ವಿಕೆಟ್‌ ನಷ್ಟಕ್ಕೆ 237 ರನ್‌ ಇದ್ದಲ್ಲಿಂದ ಇಂದು 3ನೇ ದಿನದ ಆಟವನ್ನು ಆರಂಭಿಸಿದ ಆಸೀಸ್‌, ಕೇವಲ 39 ರನ್‌ ಗಳನ್ನು 16.4 ಓವರ್‌ಗಳ ಆಟದಲ್ಲಿ ಸೇರಿಸುವಷ್ಟರಲ್ಲಿ ತನ್ನ ಉಳಿದ ಎಲ್ಲ 4 ವಿಕೆಟ್‌ಗಳನ್ನು ಕಳೆದುಕೊಂಡಿತು. 

ಭಾರತದ ಎಡಗೈ ಸ್ಪಿನ್ನರ್‌ ರವೀಂದ್ರ ಜಡೇಜ ಕೇವಲ 10 ಬಾಲ್‌ಗ‌ಳಲ್ಲಿ ಮೂರು ವಿಕೆಟ್‌ ಕಿತ್ತು ತಮ್ಮ ಒಟ್ಟು ವಿಕೆಟ್‌ ಸಂಪಾದನೆಯನ್ನು ಆರಕ್ಕೆ ಏರಿಸಿಕೊಂಡರು. 

ಭಾರತ ತನ್ನ ಎರಡನೇ ಇನ್ನಿಂಗ್ಸ್‌ನಲ್ಲಿ  ಅಭಿನವ್‌ ಮುಕುಂದ್‌ (32 ಎಸೆತ 16 ರನ್‌) ಅವರನ್ನು ಕಳೆದುಕೊಂಡು 42 ರನ್‌ ಗಳಿಸಿ ಆಡುತ್ತಿದೆ. 23 ರನ್‌ ಬಾರಿಸಿರುವ ಲೋಕೇಶ್‌ ರಾಹುಲ್‌ಗೆ ಚೇತೇಶ್ವರ್‌ ಪೂಜಾರ ಸಾಥ್‌ ನೀಡುತ್ತಿದ್ದಾರೆ.