ವರ್ಷಾಂತ್ಯದ ಆಫರ್ : ಇಂಡಿಗೋ ದೇಶಿಯಾನ ಟಿಕೆಟ್ ದರ 899 ರೂ.!

ನವದೆಹಲಿ: ‘ದ ಬಿಗ್‌ ಫ್ಯಾಟ್‌ ಇಂಡಿಗೋ ಸೇಲ್’ ಹೆಸರಲ್ಲಿ ಮಿತವ್ಯಯಿ ವಿಮಾನ ಯಾನ ಸಂಸ್ಥೆ ಇಂಡಿ ಗೋ ಬಂಪರ್‌ ಆಫ‌ರ್‌ ನೀಡಿದ್ದು, ದೇಶೀ ಮತ್ತು ಅಂತರಾಷ್ಟ್ರೀಯ ಟಿಕೆಟ್‌ ದರಗಳ ಭಾರೀ ಮಟ್ಟದ ರಿಯಾಯಿತಿ ಘೋಷಿಸಿದೆ. ಇಂಡಿಗೋದ ದೇಶೀಯ ವಿಮಾನಯಾನ ಪ್ರಯಾಣ ಟಿಕೆಟ್‌ ದರ 899 ರೂ. ಮತ್ತು ಅಂತರರಾಷ್ಟ್ರೀಯ ವಿಮಾನಯಾನ ದರವನ್ನು 2999 ರೂ. ಲಭ್ಯವಾಗಲಿದೆ.

‘2019ರ ವರ್ಷ ಮುಗಿಯುತ್ತಿದೆ ಆದರೆ ನಮ್ಮ ಆಕರ್ಷಕ ಆಫರ್ ಗಳು ಅಲ್ಲ. ನಿಮಗೆ ಕೈಗೆಟುಕುವ ದರದಲ್ಲಿ, ಶೂನ್ಯ ಕನ್ವೀನಿಯನ್ಸ್‌ ಶುಲ್ಕದಲ್ಲಿ ವಿಮಾನ ಪ್ರಯಾಣ ಅವಕಾಸ ಒದಗಿಸುತ್ತಿದ್ದೇವೆ ಈ ಸದವಕಾಶ ಬಾಚಿಕೊಳ್ಳಿ ಎಂದು ಸಂಸ್ಥೆಯು ತನ್ನ ವೆಬ್‌ಸೈಟ್‌ ನಲ್ಲಿ ತಿಳಿಸಿದೆ. ಈ ಆಫರ್ ನಡಿಯಲ್ಲಿ ಬುಕ್ಕಿಂಗ್ ಡಿಸೆಂಬರ್‌ 23, 2019ರಿಂದ ಪ್ರಾರಂಭವಾಗಿದ್ದು, ಇನ್ನೂ ನಾಲ್ಕು ದಿನಗಳ ಕಾಲ ಬುಕ್ಕಿಂಗ್‌ ಇರುತ್ತದೆ.

ಇನ್ನೂ ಈ ಸೌಲಭ್ಯವನ್ನು ಬಳಸಿಕೊಂಡು ಜನವರಿ 15, 2020ರಿಂದ ಏಪ್ರಿಲ್‌ 15, 2020ರ ಮಧ್ಯೆ ಪ್ರಯಾಣ ಮಾಡಬಹುದು. ಈ ಆಫ‌ರ್‌ ಡಿಸೆಂಬರ್‌ 23ರಿಂದ 26ರ ಮಧ್ಯೆ ಬುಕ್ಕಿಂಗ್‌ ಮಾಡುವವರಿಗೆ ಮಾತ್ರ ಅನ್ವಯವಾಗುತ್ತದೆ.  ಇಂಡಿಗೋ ವೆಬ್‌ ಸೈಟ್‌ ಅಥವಾ ಇಂಡಿಗೋ ಅಪ್ಲಿಕೇಷನ್‌ ಮೂಲಕ ಬುಕ್‌ ಮಾಡುವವರಿಗೆ ಕನ್ವೀನಿಯನ್ಸ್ ಶುಲ್ಕ ಇರುವುದಿಲ್ಲ.

ಆದರೆ ಈ ಆಫ‌ರ್‌ ನಲ್ಲಿ ಎಷ್ಟು ಸೀಟುಗಳು ಲಭ್ಯವಿದೆ ಎಂಬ ಮಾಹಿತಿಯನ್ನು ಸಂಸ್ಥೆ ಬಹಿರಂಗಪಡಿಸಿಲ್ಲ. ಸೀಮಿತ ಸೀಟುಗಳಿಗೆ ಮಾತ್ರ ಈ ಕೊಡುಗೆ ಲಭ್ಯ ಇದ್ದು, ಆದ್ಯತೆಯ ಆಧಾರದಲ್ಲಿ ಗ್ರಾಹಕರಿಗೆ ಈ ರಿಯಾಯಿತಿ ನೀಡಲಾಗುತ್ತಿದೆ.