ಪಿಂಚಣಿ ಮೊತ್ತ ಹೆಚ್ಚಿಸಿ: ಮಾಜಿ ಕ್ರಿಕೆಟಗರ ಮನವಿ

ಹೊಸದಿಲ್ಲಿ: ಸಂಜಯ್‌ ಜಗದಾಳೆ, ಆಶು ದಾನಿ, ವಿನಯ್‌ ಲಿಂಬಾ ಸೇರಿದಂತೆ ಹಲವು ಮಾಜಿ ರಣಜಿ ಕ್ರಿಕೆಟಿಗರು ತಮಗೆ ನೀಡುತ್ತಿರುವ ಪಿಂಚಣಿ ಮೊತ್ತವನ್ನು ಹೆಚ್ಚಿಸಬೇಕು ಎಂದು ಬಿಸಿಸಿಐಗೆ ಒತ್ತಾಯಿಸಿದ್ದಾರೆ.

ಕನಿಷ್ಠ 25 ಪ್ರಥಮ ದರ್ಜೆ ಕ್ರಿಕೆಟ್ ಕೂಟದಲ್ಲಿ ಆಡಿದ ಮಾಜಿ ಕ್ರಿಕೆಟಿಗರಿಗೆ ಬಿಸಿಸಿಐ 2003-04ರಿಂದ ಪಿಂಚಣಿ ನೀಡುತ್ತ ಬಂದಿದೆ. 2015ರಲ್ಲಿ ಪಿಂಚಣಿ ಮೊತ್ತ ಹೆಚ್ಚಿಸಲು ಮನವಿ ಸಲ್ಲಿಸಿದ್ದರೂ ಬಿಸಿಸಿಐ ಅದನ್ನು ಇನ್ನೂ ಪುರಸ್ಕರಿಸಿರಲಿಲ್ಲ. ಬಿಸಿಸಿಐ ಹಂಗಾಮಿ ಅಧ್ಯಕ್ಷ ಸಿ.ಕೆ. ಖನ್ನಾ ಬಿಸಿಸಿಐ ಆಡಳಿತಾಧಿಕಾರಿಗಳಿಗೆ ಮನವಿ ಮಾಡಿದ್ದು, ಇದಕ್ಕೆ ಸೂಕ್ತ ರೀತಿಯಲ್ಲಿ ಸ್ಪಂದಿಸುವ ಭರವಸೆ ಸಿಕ್ಕಿದೆ ಎನ್ನಲಾಗಿದೆ.