ರಸ್ತೆ ದಾಟುತ್ತಿದ್ದಾಗ ಬೈಕ್ ಢಿಕ್ಕಿ: ಗಂಭೀರ

ಶಿರಸಿ: ನಿವೃತ್ತ ಶಿಕ್ಷಕಿಯೋರ್ವರು ರಸ್ತೆ ದಾಟುತ್ತಿದ್ದಾಗ  ಬೈಕ್  ಢಿಕ್ಕಿ ಹೊಡೆದು ತೀವ್ರವಾಗಿ ಗಾಯಗೊಂಡ ಘಟನೆ ರವಿವಾರ ನಗರದಲ್ಲಿ ನಡೆದಿದೆ.

ಗಾಯಾಳನ್ನು ಭಾನುಮತಿ ಪುಂಡಲಿಕ್ ಸರ್ವದೆ (63) ಎಂದು ಗುರುತಿಸಲಾಗಿದೆ.

ಅವರು ಯಲ್ಲಾಪುರ ರಸ್ತೆಯಲ್ಲಿ ಮರಾಠಿ ಕೊಪ್ಪ  ಕ್ರಾಸ್ ಹತ್ತಿರ ರಸ್ತೆ ದಾಟುತ್ತಿರುವಾಗ ಸುರೇಶ್ ಹೂವ ಮರಾಠಿ ಎಂಬುವವರು ಬೈಕ್ ನಲ್ಲಿ ಅತಿ ವೇಗದಿಂದ ಬಂದು  ಢಿಕ್ಕಿ ಹೊಡೆದಿದ್ದಾರೆ ಪರಿಣಾಮ ಗಂಭೀರ ಗಾಯವಾಗಿದೆ.

ಹೊಸ ಮಾರುಕಟ್ಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.