ಕುಂದಾಪುರ: ಗೋವಧೆಗೆ ಯತ್ನ; ಇಬ್ಬರ ವಶ

ಕುಂದಾಪುರ: ಕಾವ್ರಾಡಿ ಗ್ರಾಮದ ಕಂಡ್ಲೂರಿನ ವಾರಾಹಿ ಹೊಳೆಯ ಬದಿಯಲ್ಲಿ ಅ.31 ರಂದು ಹಸುವನ್ನು ಎಲ್ಲಿಂದಲೋ ತಂದು ವಧೆ ಮಾಡಲು ಸಿದ್ಧತೆ ನಡೆಸುತ್ತಿದ್ದ ಬಗ್ಗೆ ಮಾಹಿತಿ ಪಡೆದ ಎಸ್‌ಐ ಪವನ್‌ ನಾಯಕ್‌ ನೇತೃತ್ವದ ಕಂಡ್ಲೂರು ಪೊಲೀಸರ ತಂಡ ಇಬ್ಬರನ್ನು ವಶಕ್ಕೆ ಪಡೆದಿದ್ದಾರೆ.

ಶಾಹೀದ್‌ ಆಲಿ, ಟಿ.ಕೆ. ಮುಜಾಫರ್‌, ಕರಾಣಿ ನದೀಮ್‌ ಹಾಗೂ ಕರಾಣಿ ಮಂಜೂರ್‌ ಗೋವಧೆಗೆ ಯತ್ನಿಸಿದ್ದು, ಕಾರ್ಯಾಚರಣೆ ವೇಳೆ ಶಾಹೀದ್‌ ಆಲಿ ಹಾಗೂ ಟಿ.ಕೆ. ಮುಜಾಫರರನ್ನು ವಶಕ್ಕೆ ಪಡೆಯುವಲ್ಲಿ ಪೊಲೀಸರು ಯಶ್ವಸಿಯಾಗಿದ್ದಾರೆ. ಉಳಿದವರು ಪರಾರಿಯಾಗಿದ್ದಾರೆ.

ಈ ವೇಳೆ ಸ್ಥಳದಲ್ಲಿದ್ದ 1 ಗಂಡು ಕರು ಹಾಗೂ ಇತರೆ ಪರಿಕರಗಳನ್ನು ವಶಪಡಿಸಿಕೊಂಡಿದ್ದಾರೆ.

ಕಂಡ್ಲೂರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.