ಗೋವಾ ಬೀಚ್‌ನಲ್ಲಿ ಎಣ್ಣೆ, ಬಿಯರ್‌ ಸೇವಿಸಿದರೆ ಜೈಲು

ಪಣಜಿ: ಗೋವಾಕ್ಕೆ ಪ್ರವಾಸ ಮಾಡುವವರು ಈ ವಿಚಾರ ಗಮನಿಸಿ. ಇನ್ನು ಮುಂದೆ ಆ ರಾಜ್ಯದ ಸಾರ್ವಜನಿಕ ಸ್ಥಳಗಳಲ್ಲಿ ಮದ್ಯ ಸೇವಿಸಿದರೆ ಜೈಲು ಪಾಲಾಗಬೇಕಾಗುತ್ತದೆ! ಪ್ರವಾಸೋದ್ಯಮ ಇಲಾಖೆ ಮತ್ತು ಪೊಲೀಸ್‌ ಇಲಾಖೆ ಜನಪ್ರತಿನಿಧಿಗಳ ಜತೆಗೆ ನಡೆಸಿದ ಸಭೆಯಲ್ಲಿ ಈ ಬಗ್ಗೆ ನಿರ್ಧಾರ ಕೈಗೊಳ್ಳಲಾಗಿದೆ. ವಿಶೇಷವಾಗಿ ಬೀಚ್‌ಗಳಲ್ಲಿ ಬಿಯರ್‌ ಮತ್ತು ಮದ್ಯದ ಬಾಟಲಿಗಳ ಚೂರುಗಳಿಂದ ಕಾಲುಗಳಿಗೆ ಗಾಯಗಳಾಗುತ್ತಿರುವ ಹಿನ್ನೆಲೆಯಲ್ಲಿ ಅಸಂಖ್ಯಾತ ಪ್ರವಾಸಿಗರು, ಸ್ಥಳೀಯರಿಂದ  ಈ ಬಗ್ಗೆ ದೂರು ಸಲ್ಲಿಕೆಯಾಗಿತ್ತು. ಈಜುವಿಕೆಗೆ ನಿಗದಿಯಾಗಿರುವ ಸ್ಥಳಗಳಲ್ಲಿಯೂ ಸಮಸ್ಯೆ ಕಾಡುತ್ತಿತು. ದೂರಿತ್ತ ಹಿನ್ನೆಲೆಯಲ್ಲಿ ಈ ಬಗ್ಗೆ ಕ್ರಮ ಕೈಗೊಳ್ಳಲಾಗಿದೆ.