ಸತತ ಮೂರನೇ ತಿಂಗಳೂ ಕುಸಿತ ಕಂಡ ರಫ್ತು, ಆಮದು ಏರಿಕೆ

ಹೊಸದಿಲ್ಲಿ: ಸತತ ಮೂರನೇ ತಿಂಗಳೂ ಭಾರತವು ರಫ್ತಿನಲ್ಲಿ ಶೇ.0.8ರಷ್ಟು ಕುಸಿತ ಕಂಡಿದೆ. ಮತ್ತೂಂದು ಕಡೆ ಆಮದು ಏರಿದೆ. ಅದರ ಪರಿಣಾಮ ವ್ಯಾಪಾರ ಕೊರತೆ 15.71 ಬಿಲಿಯನ್‌ ಡಾಲರ್‌ ನಷ್ಟು (1.148 ಲಕ್ಷ ಕೋಟಿ ರೂ.) ಏರಿದೆ.

ಈ ವರ್ಷ ಡಿಸೆಂಬರ್‌ನಲ್ಲಿ ಭಾರತದ ರಫ್ತು ಪ್ರಮಾಣ 26.89 ಬಿಲಿಯನ್‌ ಡಾಲರ್ ನಷ್ಟಿದೆ. ಅದೇ 2019ರ ಡಿಸೆಂಬರ್‌ನಲ್ಲಿ ಈ ಪ್ರಮಾಣ 27.11 ಬಿಲಿಯನ್‌ ಡಾಲರ್‌ನಷ್ಟಿತ್ತು. ಆದರೆ ಆಶಾದಾಯಕ ಸಂಗತಿಯೆಂದರೆ ಈ ವರ್ಷದ ನವೆಂಬರ್‌ಗೆ ಹೋಲಿಸಿದರೆ ಡಿಸೆಂಬರ್‌ನಲ್ಲಿ ಪರಿಸ್ಥಿತಿಯಲ್ಲಿ ಚೇತರಿಕೆ ಕಂಡುಬಂದಿದೆ.

ಇದಕ್ಕೆ ಮುಖ್ಯ ಕಾರಣ ರತ್ನಗಳು, ಆಭರಣಗಳು, ರಾಸಾಯನಿಕ ಗಳ ರಫ್ತು ಪ್ರಮಾಣ ಏರಿಕೆಯಾಗಿದ್ದು. ಒಂಬತ್ತು ತಿಂಗಳ ಬಳಿಕ ಡಿಸೆಂಬರ್‌ನಲ್ಲಿ ಆಮದು ಹೆಚ್ಚಾಗಿದೆ. ಫೆಬ್ರವರಿಯಲ್ಲಿ ಆಮದು ಶೇ.2.48ರಷ್ಟು ಏರಿತ್ತು, ಡಿಸೆಂಬರ್‌ನಲ್ಲಿ ಶೇ.7.6ರಷ್ಟು ಏರಿಕೆ ಸಂಭವಿಸಿದೆ.