ಮಾನವನಿಗೆ ಲಸಿಕೆ ಪ್ರಯೋಗ ಶುರು ; ಲಂಡನ್‌ ಇಂಪೀರಿಯಲ್‌ ಕಾಲೇಜು ವಿಜ್ಞಾನಿಗಳ ತಂಡದ ಪ್ರಯತ್ನ

ಹೊಸದಿಲ್ಲಿ /ಲಂಡನ್: ಜಗತ್ತಿನ ಹಲವು ರಾಷ್ಟ್ರಗಳಲ್ಲಿ ಕೋವಿಡ್ ವೈರಸ್‌ ಸೋಂಕು ವ್ಯಾಪಕ­ವಾಗು­ತ್ತಿರುವ ನಡುವೆಯೇ ಭರವಸೆಯ ಬೆಳಕೊಂದು ಮೂಡಿದೆ. ಅದೇನೆಂದರೆ, ಲಂಡನ್‌ನ ಇಂಪೀರಿ­ಯಲ್‌ ಕಾಲೇಜು ವಿಜ್ಞಾನಿಗಳು ಅಭಿವೃದ್ಧಿಪಡಿಸಿರುವ ಕೋವಿಡ್ ವೈರಸ್‌ ಲಸಿಕೆಯ ಮಾನವ ಪ್ರಯೋಗ ಆರಂಭವಾಗಿದೆ. ಈ ಹೊಸ ಲಸಿಕೆಯನ್ನು ವೈದ್ಯಕೀಯ ಸಂಶೋಧ­ಕರು ಇದೇ ಮೊದಲ ಬಾರಿ ಮಾನವನ ಮೇಲೆ ಪ್ರಯೋಗಿಸುತ್ತಿದ್ದಾರೆ. ಸೋಂಕು ನಿವಾ­ರಿಸುವಲ್ಲಿ ಲಸಿಕೆಯು ಪರಿಣಾಮ ಕಾರಿಯಾಗಿ ಕಾರ್ಯ­ನಿರ್ವಹಿಸುವುದೇ, ಇಲ್ಲವೇ ಎಂಬುದನ್ನು ತಿಳಿಯಲು ಪ್ರಯೋಗ ನಡೆಸಲಾಗುತ್ತಿದೆ ಎಂದು ಈ ಪ್ರಯೋಗದ ನೇತೃತ್ವ ವಹಿಸಿರುವ ಪ್ರೊ| ರಾಬಿನ್‌ ಶಟ್ಟಾಕ್‌ ಅಭಿಪ್ರಾಯಪಟ್ಟಿದ್ದಾರೆ.

ಅತಿ ಪ್ರಬಲ ಪ್ರತಿಕಾಯಗಳ ಪತ್ತೆ: ಚೇತರಿಸಿಕೊಂಡ ವ್ಯಕ್ತಿಗಳ ರಕ್ತದಲ್ಲಿನ ಅತಿಪ್ರಬಲ ಪ್ರತಿಕಾಯಗಳನ್ನು ವಿಜ್ಞಾನಿಗಳು ಪತ್ತೆಹಚ್ಚಿದ್ದಾರೆ. ಈ ಆ್ಯಂಟಿಬಾಡಿಗಳನ್ನು ಲಸಿಕೆ ರೂಪದಲ್ಲಿ ಬಳಸಿ ಕೊರೊನಾವನ್ನು ನಿಯಂತ್ರಿಸ­ಬಹುದು ಎಂಬ ಆಶಾವಾದ ವ್ಯಕ್ತಪಡಿಸಿದ್ದಾರೆ.

“ಆರೋಗ್ಯ ಕಾರ್ಯಕರ್ತರು, ವೃದ್ಧರು ಮತ್ತು ಸಾಂಪ್ರದಾಯಿಕ ಲಸಿಕೆಗಳಿಗೆ ಸ್ಪಂದಿಸದೇ ಇರುವ ರೋಗಿಗಳಿಗೆ ಈ ಪ್ರಬಲ ಪ್ರತಿಕಾಯಗಳ ಲಸಿಕೆ ನೀಡಬಹುದು. ಸೋಂಕನ್ನು ಆರಂಭಿಕ ಹಂತದಲ್ಲಿ ತಡೆಗಟ್ಟಲು, ತೀವ್ರ ಸೋಂಕಿಗೊಳಗಾದವರ ಜೀವ ರಕ್ಷಿಸಲು ಇದನ್ನು ಬಳಸಬಹುದು’ ಎಂದು ಅಮೆರಿಕದ ಸ್ಕ್ರಿಪ್ಟ್ ಸಂಶೋಧನಾ ಸಂಸ್ಥೆಯ ತಜ್ಞರು ಅಭಿಪ್ರಾಯ ಪಟ್ಟಿದ್ದಾರೆ.