ನೋಟು ಅಮಾನ್ಯ, ಜಿಎಸ್‌ಟಿ: ಮೋದಿ ಕ್ರಮಕ್ಕೆ ಐಎಂಎಫ್ ಪ್ರಶಂಸೆ

ಹೊಸದಿಲ್ಲಿ : ‘ನೋಟು ಅಮಾನ್ಯ ಮತ್ತು ಜಿಎಸ್‌ಟಿ ಅನುಷ್ಠಾನ ಕ್ರಮದಿಂದ ಭಾರತದ ಆರ್ಥಿಕತೆ ಶಾಶ್ವತವಾಗಿ ಕುಂಠಿತಗೊಳ್ಳುವಂತಾಗಿದೆ’ ಎಂಬ ಕೆಲವರ ಅಭಿಮತವನ್ನು  ಐಎಂಎಫ್ ತಿರಸ್ಕರಿದ್ದು ಇದು ಕೇವಲ ಕಿರು ಅವಧಿಯ ನೋವಾಗಿರುತ್ತದೆ ಎಂದು ಹೇಳಿದೆ. ಆ ಮೂಲಕ ಐಎಂಎಫ್ ಮೋದಿ ಸರಕಾರದ ಈ ಎರಡು ಕ್ರಾಂತಿಕಾರದ ಸುಧಾರಣಾ ಕ್ರಮಗಳನ್ನು ಪ್ರಶಂಸಿಸಿದೆ.

ಸಿಎನ್‌ಬಿಸಿ-ಟಿವಿ 18 ಗೆ ನೀಡಿದ ಸಂದರ್ಶನದಲ್ಲಿ ಐಎಂಎಫ್ ಅಧಿಕಾರಿಯೋರ್ವರು, “ನೋಟು ಅಮಾನ್ಯ ಮತ್ತು ಜಿಎಸ್‌ಟಿಯಿಂದ ಭಾರತದ ಆರ್ಥಿಕತೆಗೆ ಕಿರು ಅವಧಿಯ ನೋವುಂಟಾಗಿರಬಹುದು; ಆದರೆ ಅದರಿಂದ ದೀರ್ಘ‌ಕಾಲೀನ ಲಾಭವಾಗಲಿದೆ’ ಎಂದು ಹೇಳಿದ್ದಾರೆ.

ಮೋದಿ ಸರಕಾರ ಕಳೆದ ವರ್ಷ ನ.8ರಂದು ನೋಟು ಅಮಾನ್ಯ ಕ್ರಮ ಕೈಗೊಂಡಿತ್ತು; ಈ ವರ್ಷ ಜು.1ರಂದು ದೇಶಾದ್ಯಂತ ಜಿಎಸ್‌ಟಿಯನ್ನು ಜಾರಿಗೆ ತಂದಿತ್ತು. 

ಭಾರತದ ಆರ್ಥಿಕ ಪ್ರಗತಿಯು ಈ ವರ್ಷ ಸೆಪ್ಟಂಬರ್‌ಗೆ ಅಂತ್ಯಗೊಂಡ ಮೂರು ತಿಂಗಳ ಅವಧಿಯಲ್ಲಿ ದೇಶದ ಆರ್ಥಿಕ ಪ್ರಗತಿ ಶೇ.6.3ಕ್ಕೆ ಏರಿತ್ತು. ಆ ಮೂಲಕ ಐದು ತ್ತೈಮಾಸಿಕಗಳ ನಿರಂತರ ಹಿನ್ನಡೆಯನ್ನು ತಡೆದಿತ್ತು. ಇದಕ್ಕೆ ಜಿಎಸ್‌ಟಿ ಅನುಷ್ಠಾನದ ಬಾಲಗ್ರಹ ಪೀಡೆ ಕಾರಣವಾಗಿತ್ತು.