ಅಕ್ರಮ ಗ್ಯಾಸ್‌ ರೀ ಫಿಲ್ಲಿಂಗ್‌: ಆರೋಪಿ ಬಂಧನ

ಬೆಂಗಳೂರು: ಅಕ್ರಮವಾಗಿ ಗ್ಯಾಸ್‌ ರೀ ಫಿಲ್ಲಿಂಗ್‌ ಮಾಡುತ್ತಿದ್ದ ಆರೋಪಿಯನ್ನು ಚಿಕ್ಕಜಾಲ ಪೊಲೀಸರು ಬಂಧಿಸಿದ್ದಾರೆ. ಹೆಬ್ಟಾಳದ ಕನಕನಗರ ನಿವಾಸಿ ವಿನೋದ್‌ (21) ಬಂಧಿತ. ಆರೋಪಿ ಚಿಕ್ಕಜಾಲದ ಕೋಡಗಲಹಟ್ಟಿಯ ನೀಲಗಿರಿ ತೋಪಿನಲ್ಲಿನ ಶೆಡ್‌ವೊಂದರಲ್ಲಿ ಗೃಹಬಳಕೆಯ ಸಿಲಿಂಡರ್‌ಗಳಿಂದ ಸಣ್ಣ -ಸಣ್ಣ ಸಿಲಿಂಡರ್‌ಗಳಿಗೆ ಅನಿಲ ತುಂಬಿಸಿ ಅವುಗಳನ್ನು ಕಾಳ ಸಂತೆಯಲ್ಲಿ ಮಾರಾಟ ಮಾಡುತ್ತಿದ್ದ.

ಈ ಖಚಿತ ಮಾಹಿತಿ ಮೇರೆಗೆ ದಾಳಿ ನಡೆಸಿ ಆರೋಪಿಯನ್ನು ಬಂಧಿಸಲಾಗಿದೆ. ಈತನಿಂದ ಗ್ಯಾಸ್‌ ರೀ ಫಿಲ್ಲಿಂಗ್‌ಗೆ ಬಳಸುವ ಮೋಟಾರ್‌ ಪಂಪ್‌, ಪೈಪ್‌, ತೂಕದ ಯಂತ್ರ, 14.5 ಕೆ.ಜಿ. ತೂಕದ 12 ಸಿಲಿಂಡರ್‌ಗಳನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಪೊಲೀಸರು ಹೇಳಿದರು.