ಅಕ್ರಮ ಪ್ರವೇಶ: ಜೈಲಿನಲ್ಲಿದ್ದ ಚೀನೀ ವ್ಯಕ್ತಿ ಆತ್ಮಹತ್ಯೆ

ಪಾಟ್ನಾ: ಅಕ್ರಮವಾಗಿ ಭಾರತದ ಗಡಿಯೊಳಗೆ ನುಸುಳಿದ್ದ ಚೀನೀ ವ್ಯಕ್ತಿಯೊಬ್ಬ ಜೈಲಿನಲ್ಲಿ ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಬಿಹಾರದ ಮುಜಾಫ‌ರ್‌ಪುರದಲ್ಲಿ ನಡೆದಿದೆ.

ಚೀನಾದ ಶಾಂಡೊಂಗ್‌ ಪ್ರಾಂತ್ಯದ ಲಿ ಜಿಯಾಕಿ ಎಂಬ ವ್ಯಕ್ತಿಯನ್ನು ಜೂ.6ರಂದು  ಸಮರ್ಪಕ ದಾಖಲೆ ಇಲ್ಲದ ಕಾರಣ ಬಂಧಿಸಲಾಗಿದೆ. 1946ರ ವಿದೇಶಿಗರ ಕಾಯ್ದೆ ಪ್ರಕಾರ ಪ್ರಕರಣ ದಾಖಲಿಸಿದ ಆತನನ್ನು ಜೈಲಿಗೆ ಕಳುಹಿಸಲಾಗಿದೆ. ಜೂ.07ರಂದು ಗಾಯಗೊಂಡಿರುವ ಹಾಗೂ ಪ್ರಜ್ಞಾಹೀನ ಸ್ಥಿತಿಯಲ್ಲಿ ಶೌಚಾಲಯದಲ್ಲಿ ಆತನ ದೇಹ ಪತ್ತೆಯಾಗಿದೆ.