ಬಾಹ್ಯಾಕಾಶದಲ್ಲಿ ಇಳಯರಾಜಾ ಹಾಡುಗಳ ಮೇಳ!

ದೇಶದ ಸಿನಿಮಾ ರಂಗದ ಪ್ರತಿಭಾನ್ವಿತ ಸಂಗೀತ ನಿರ್ದೇಶಕ ಇಳಯರಾಜಾ ಅವರ ಹಾಡುಗಳು ಇನ್ನು ಅಂತರಿಕ್ಷದಲ್ಲೂ ಅನುರಣಿಸಲಿವೆ!

ಖಗೋಳ ವಿಜ್ಞಾನದಲ್ಲಿ ಆಸಕ್ತಿಯಿರುವ ತಮಿಳುನಾಡಿನ ಯುವ ತಂಡವೊಂದು, ಪುಟಾಣಿ ಉಪಗ್ರಹವೊಂದನ್ನು ತಯಾರಿಸಿದ್ದು ಆ ಉಪಗ್ರಹ ಸದ್ಯದಲ್ಲೇ ಅಮೆರಿಕ ಬಾಹ್ಯಾಕಾಶ ಸಂಸ್ಥೆಯ (ನಾಸಾ) ಸಹಾಯದಿಂದ ಉಡಾವಣೆಗೊಳ್ಳಲಿದೆ.

ಅದರಲ್ಲಿ ಇಳಯರಾಜಾ ಅವರ ತಮಿಳು ಹಾಡುಗಳನ್ನು ಅಳವಡಿಸಲಾಗುತ್ತಿದ್ದು ಆ ಉಪಗ್ರಹವು ತಾನು ಸಂಚರಿಸುವ ಮಾರ್ಗದಲ್ಲಿ ಇಳಯರಾಜಾ ಹಾಡುಗಳನ್ನು ಬಿತ್ತರಿಸುತ್ತಾ ಸಾಗಲಿದೆ.

ಈ ಮೂಲಕ ವಿಜ್ಞಾನಿಗಳ ತಂಡ ಅವರಿಗೆ ಗೌರವ ನೀಡಲಿದೆ.