ಅಂಬೇಡ್ಕರ್‌-ಮೋದಿ ನಡುವೆ ಸಾಮ್ಯತೆ: ಇಳಯರಾಜಾ

ಚೆನ್ನೈ: ಪ್ರಧಾನಿ ನರೇಂದ್ರ ಮೋದಿ ಹಾಗೂ ಸಂವಿಧಾನ ಶಿಲ್ಪಿ ಡಾ. ಬಿ.ಆರ್‌. ಅಂಬೇಡ್ಕರ್‌ರವರ ವ್ಯಕ್ತಿತ್ವಗಳಲ್ಲಿ ಹಲವಾರು ಸಾಮ್ಯತೆಗಳಿವೆ ಎಂದು ತಮಿಳಿನ ಖ್ಯಾತ ಸಂಗೀತ ನಿರ್ದೇಶಕ ಇಳಯರಾಜಾ ಹೇಳಿದ್ದಾರೆ.

ಅಂಬೇಡ್ಕರ್‌ ಆ್ಯಂಡ್‌ ಮೋದಿ: ರಿಫಾರ್ಮರ್ಸ್‌ ಐಡಿಯಾಸ್‌, ಪರ್ಫಾಮರ್ಸ್‌ ಇಂಪ್ಲಿಮೆಂಟೇಷನ್‌ ಎಂಬ ಹೊಸ ಪುಸ್ತಕಕ್ಕಾಗಿ ಮುನ್ನುಡಿ ಬರೆದಿರುವ ಇಳಯರಾಜಾ, ಅದರಲ್ಲಿ ಈ ರೀತಿಯ ಅನಿಸಿಕೆಗಳನ್ನು ವ್ಯಕ್ತಪಡಿಸಿದ್ದಾರೆ.

“ಈ ಇಬ್ಬರೂ ಸಮಾಜದ ಹಿಂದುಳಿದ ವರ್ಗಗಳಿಂದ ಬಂದವರು. ಇಬ್ಬರೂ ಸಮಾಜವು ತಮ್ಮ ಬೆಳವಣಿಗೆಗೆ ಅಡ್ಡಿಯಾಗುವಂತೆ ಒಡ್ಡಿದ ಸವಾಲುಗಳನ್ನು ಮೆಟ್ಟಿ ನಿಂತು ಬೆಳೆದವರು. ಜನನಾಯಕರಾದ ನಂತರ ಆ ಸಾಮಾಜಿಕ ಸಮಸ್ಯೆಗಳನ್ನು ನಿವಾರಿಸಲು ಹೋರಾಡಿದವರು. ಇಬ್ಬರೂ ಭಾರತದ ಉಜ್ವಲ ಭವಿಷ್ಯದ ಬಗ್ಗೆ ಕನಸುಗಳನ್ನು ಕಂಡವರಾಗಿದ್ದಾರೆ. ಹಾಗೆಂದ ಮಾತ್ರಕ್ಕೆ ತಮ್ಮ ಚಿಂತನೆಗಳನ್ನು ಸುಮ್ಮನೇ ಜನಗಳ ಮೇಲೆ ಹೇರುವಂಥವರು ಇವರಲ್ಲ. ಕಾಲಕ್ಕೆ ತಕ್ಕಂತೆ ತಮ್ಮ ಚಿಂತನೆಗಳನ್ನು ಪ್ರಾಯೋಗಿಕವಾಗಿ ಅನುಷ್ಠಾನಕ್ಕೆ ತರುವಂಥ ಕೆಲಸವನ್ನು ಇವರು ಮಾಡಿದ್ದಾರೆ” ಎಂದು ಇಳಯರಾಜಾ ಶ್ಲಾಘಿಸಿದ್ದಾರೆ.