ಲೋಕಲ್‌ನಲ್ಲಿ ಬಿಜೆಪಿ ಗೆದ್ದರೆ ಉಚಿತ ವೈ-ಫೈ

ಲಕ್ನೋ: ಸಾರ್ವಜನಿಕ ಸ್ಥಳಗಳಲ್ಲಿ ಉಚಿತ ವೈಫೈ ಹಾಗೂ ಮಹಿಳೆಯರಿಗಾಗಿ ಪಿಂಕ್‌ ಟಾಯ್ಲೆಟ್‌ – ಇವು ರವಿವಾರ ಬಿಡುಗಡೆಗೊಂಡ ಉತ್ತರ ಪ್ರದೇಶ ಬಿಜೆಪಿ ಪ್ರಣಾಳಿಕೆಯ ಹೈಲೈಟ್ಸ್‌! ಇದೇ ತಿಂಗಳ 22, 26, 29ರಂದು ಉತ್ತರ ಪ್ರದೇಶ ಸ್ಥಳೀಯ ಸಂಸ್ಥೆಗಳ ಚುನಾವಣೆ ಹಿನ್ನೆಲೆಯಲ್ಲಿ ಬಿಜೆಪಿ, “ಸಂಕಲ್ಪ ಪತ್ರ’ ಎಂಬ ಈ  ಪ್ರಣಾಳಿಕೆಯನ್ನು ರವಿವಾರ ಬಿಡುಗಡೆ ಮಾಡಿದೆ. ಸಿಎಂ ಯೋಗಿ ಆದಿತ್ಯನಾಥ್‌ ಬಿಡುಗಡೆ ಮಾಡಿದ್ದಾರೆ. ಎಲ್ಲಾ ನಗರಗಳನ್ನು ಸ್ಮಾರ್ಟ್‌ ಸಿಟಿಗಳನ್ನಾಗಿಸುವುದು, ಪ್ರತಿ ಮನೆಗೆ ನೀರಿನ ಸಂಪರ್ಕ, ಬಸ್‌ ಸೌಕರ್ಯ, ಸ್ವಂತ ಶೌಚಾಲಯಕ್ಕಾಗಿ ಪ್ರತಿ ಮನೆಗೆ 20 ಸಾವಿರ ರೂ. ನೀಡುವುದು ಸೇರಿದಂತೆ 28 ಆಶ್ವಾಸನೆಗಳನ್ನು ನೀಡಲಾಗಿದೆ.