ಸೆಮಿಫೈನಲ್‌, ಫೈನಲ್‌ ಪಂದ್ಯಗಳಿಗೆ ಮಳೆ ಬಂದರೆ?

ಲಂಡನ್‌: ಮಳೆಯಾಟದಿಂದ ಈ ವಿಶ್ವಕಪ್‌ ರೋಮಾಂಚನ ನಿರೀಕ್ಷಿತ ಮಟ್ಟ ತಲುಪಿಲ್ಲ. ಸದ್ಯ ಮಳೆ ಬಿಟ್ಟಿದೆ. ಅಕಸ್ಮಾತ್‌ ಸೆಮಿಫೈನಲ್‌ ಹಾಗೂ ಪ್ರಶಸ್ತಿ ಕಾಳಗದ ವೇಳೆ ಮಳೆ ಸುರಿದು ಪಂದ್ಯ ರದ್ದಾಗುವ ಪರಿಸ್ಥಿತಿ ಎದುರಾದರೆ ಅಥವಾ ಪಂದ್ಯ ಟೈ ಆದರೆ ಆಗ ಏನಾಗುತ್ತದೆ? ಇದು ಕ್ರಿಕೆಟ್‌ ಪ್ರೇಮಿಗಳ ಕುತೂಹಲ.

ಸೆಮಿಫೈನಲ್‌ ಹಾಗೂ ಫೈನಲ್‌ ಪಂದ್ಯ ಟೈ ಆದರೆ ಆಗ ಸೂಪರ್‌ ಓವರ್‌ ಮೂಲಕ ಫ‌ಲಿತಾಂಶವನ್ನು ನಿರ್ಧರಿಸಲಾಗುತ್ತದೆ. ಮಳೆ ಬಂದರೆ ಎಲ್ಲ 3 ಪಂದ್ಯಗಳಿಗೆ ಮೀಸಲು ದಿನ ಇರಿಸಿಕೊಳ್ಳಲಾಗಿದೆ. ಅಕಸ್ಮಾತ್‌ ಸೆಮಿಫೈನಲ್‌ ಪಂದ್ಯ ಮೀಸಲು ದಿನದಂದೂ ವಾಶೌಟ್‌ ಆದರೆ ಆಗ ಲೀಗ್‌ ಅಂಕಪಟ್ಟಿಯಲ್ಲಿ ಮುಂದಿದ್ದ ತಂಡ ಫೈನಲ್‌ ತಲುಪುತ್ತದೆ. ಫೈನಲ್‌ ಪಂದ್ಯ ಮೀಸಲು ದಿನವೂ ಮಳೆಯಿಂದ ಕೊಚ್ಚಿಹೋದರೆ ಆಗ ಇತ್ತಂಡಗಳನ್ನು ಜಂಟಿ ಚಾಂಪಿಯನ್‌ ಎಂದು ಘೋಷಿಸಲಾಗುತ್ತದೆ.