ಭೋಗ್ಯ ಒಪ್ಪಂದದಲ್ಲಿ ಐಡಿಬಿಐ ಬ್ಯಾಂಕ್‌ಗೆ 776 ಕೋಟಿ ವಂಚನೆ

ಹೊಸದಿಲ್ಲಿ: ಬ್ಯಾಂಕ್‌ಗಳಿಗೆ ವಂಚನೆ ಮಾಡಲಾಗುತ್ತಿರುವ ಪ್ರಕರಣಗಳ ಸಾಲಿಗೆ ಮತ್ತೂಂದು ಸೇರ್ಪಡೆಯಾಗಿದೆ. ಇಂಡಸ್ಟ್ರಿ ಯಲ್‌ ಡೆವಲಪ್‌ಮೆಂಟ್‌ ಬ್ಯಾಂಕ್‌ ಆಫ್ ಇಂಡಿಯಾ (ಐಡಿಬಿಐ) ಕ್ಕೆ ಆಂಧ್ರ ಪ್ರದೇಶ ಮತ್ತು ತೆಲಂಗಾಣಗಳ ಐದು ಶಾಖೆಗಳಲ್ಲಿ 776 ಕೋಟಿ ರೂ. ವಂಚಿಸಿದ ಪ್ರಕರಣ ಬೆಳಕಿಗೆ ಬಂದಿದೆ. ಸಿಬಿಐ ಈ ಬಗ್ಗೆ ಕೇಸು ದಾಖಲಿಸಿಕೊಂಡಿದೆ.

2009ರಿಂದ 2013ನೇ ಸಾಲಿನಲ್ಲಿ ಈ ಪ್ರಕರಣ ನಡೆದಿದೆ. ಲೀಸ್‌ ಬಗ್ಗೆ ನಕಲಿ ದಾಖಲೆಗಳನ್ನು ಒದಗಿಸಿ ಈ ವಂಚನೆ ಎಸಗಲಾಗಿದೆ. ಮೀನು ಸಾಕಣೆ ವ್ಯಾಪಾರ ನಡೆಸುವುದಾಗಿ ಹೇಳಿ ಬ್ಯಾಂಕ್‌ನಿಂದ ಸಾಲ ಪಡೆಯಲಾಗಿತ್ತು ಎಂದು ಆರೋಪಿಸ ಲಾಗಿದೆ. 

ನೀರವ್‌ ಮೋದಿ ಆಪ್ತನ ಬಂಧನ
ವಜ್ರೋದ್ಯಮಿ ನೀರವ್‌ ಮೋದಿ ಪಿಎನ್‌ಬಿಗೆ 12,000 ಕೋಟಿ ವಂಚಿಸಿದ ಪ್ರಕರಣದಲ್ಲಿ ಜಾರಿ ನಿರ್ದೇಶನಾಲಯ ಮಂಗಳವಾರ ರಾತ್ರಿ ಮೊದಲ ಬಂಧನ ಮಾಡಿದೆ. ನೀರವ್‌ ಮೋದಿ ಸಂಸ್ಥೆಯ ಉಪಾಧ್ಯಕ್ಷ, ಆತನ ಆಪ್ತ ಹಾಗೂ ಹಲವು ಅಕ್ರಮಗಳಲ್ಲಿ ಭಾಗಿಯಾಗಿದ್ದ ಶ್ಯಾಮ್‌ ಸುಂದರ್‌ ವಾಧ್ವಾನನ್ನು ಇಡಿ ಹಣ ಅಕ್ರಮ ತಡೆ ಕಾಯ್ದೆ ಅಡಿ ಬಂಧಿಸಿದೆ.