ಚಂದಾ ಕೊಚ್ಚಾರ್‌, ದೀಪಕ್‌ ಕೊಚ್ಚಾರ್‌,VN ದೂತ್‌ ವಿರುದ್ಧ CBI Case

ಹೊಸದಿಲ್ಲಿ : ಐಸಿಐಸಿಐ ಬ್ಯಾಂಕ್‌ – ವಿಡಿಯೋಕಾನ್‌ ಲೋನ್‌ ಹಗರಣದಲ್ಲಿ  ಸಿಬಿಐ, ಐಸಿಐಸಿಐ ಬ್ಯಾಂಕಿನ ಮಾಜಿ MD ಮತ್ತು CEO ಚಂದಾ ಕೊಚ್ಚಾರ್‌, ಆಕೆಯ ಪತಿ ದೀಪಕ್‌ ಕೊಚ್ಚಾರ್‌ ಮತ್ತು ವಿಡಿಯೋಕಾನ್‌ ಸಮೂಹದ MD ವಿ ಎನ್‌ ದೂತ್‌ ಹಾಗೂ ಇತರರ ವಿರುದ್ದ ಕೇಸು ದಾಖಲಿಸಿಕೊಂಡಿದೆ.

2012ರಲ್ಲಿ ಐಸಿಐಸಿಐ ಬ್ಯಾಂಕಿನಿಂದ ವಿಡಿಯೋಕಾನ್‌ ಸಮೂಹ 3,250 ಕೋಟಿ ರೂ. ಸಾಲ ಪಡೆದ ಬಳಿಕ ವಿಡಿಯೋಕಾನ್‌ ಪ್ರಮೋಟರ್‌ ವೇಣುಗೋಪಾಲ್‌ ದೂತ್‌ ಅವರು ಚಂದಾ ಕೊಚ್ಚಾರ್‌ ಅವರ ಪತಿ ದೀಪಕ್‌ ಕೊಚ್ಚಾರ್‌ ಅವರೊಂದಿಗೆ ಸ್ಥಾಪಿಸಿದ್ದ Nupower ಸಂಸ್ಥೆಯಲ್ಲಿ ಕೋಟಿಗಟ್ಟಲೆ ರೂ ಹೂಡಿಕೆ ಮಾಡಿದ್ದರು ಎಂದು ಆಪಾದಿಸಲಾಗಿದೆ. 

ಶೇರು ಮಾರುಕಟ್ಟೆ ನಿಯಂತ್ರಣ ಸಂಸ್ಥೆಯಾಗಿರುವ SEBI ಮಾಡಿರುವ ಪ್ರಾಥಮಿಕ ತನಿಖೆಯಲ್ಲಿ ತಿಳಿದು ಬಂದಿರುವ ಪ್ರಕಾರ ದೀಪಕ್‌ ಕೊಚ್ಚಾರ್‌ ಅವರಿಗೆ ವಿಡಿಯೋಕಾನ್‌ ಸಮೂಹದೊಂದಿಗೆ ಕಳೆದ ಹಲವು ವರ್ಷಗಳಿಂದಲೂ ಅನೇಕ ವಾಣಿಜ್ಯ ವಹಿವಾಟುಗಳಿವೆ; ದೀಪಕ್‌ ಮತ್ತು ವಿಡಿಯೋಕಾನ್‌ ಮುಖ್ಯಸ್ಥ ವೇಣುಗೋಪಾಲ್‌ ದೂತ್‌ ಅವರು ನ್ಯೂಪವರ್‌ ಮತ್ತಿತರ ಸಂಸ್ಥೆಗಳ ಸಹ ಪ್ರಮೋಟರ್‌ ಆಗಿರುತ್ತಾರೆ. 

ಐಸಿಐಸಿಐ ಬ್ಯಾಂಕ್‌ – ವಿಡಿಯೋಕಾನ್‌ ಲೋನ್‌ ಕೇಸ್‌ನಲ್ಲಿ 3,250 ಕೋಟಿ ರೂ.ಗಳ ಅಕ್ರಮ ನಡೆದಿದೆ ಎಂಬ ಆರೋಪಿವಿದೆ.