ಗ್ರಾಹಕರಿಗೆ ವಂಚನೆ; ಐಸಿಐಸಿಐ ಬ್ಯಾಂಕ್ ನಂ 1 ಸ್ಥಾನ, SBI ನಂ.2!

ನವದೆಹಲಿ:ಬ್ಯಾಂಕ್ ಗ್ರಾಹಕರಿಗಾಗುವ ವಂಚನೆ ಪ್ರಕರಣಗಳಿಗೆ ಐಸಿಐಸಿಐ ಬ್ಯಾಂಕ್ ನಂಬರ್ ವನ್ ಸ್ಥಾನದಲ್ಲಿದ್ದರೆ,  ಸರ್ಕಾರಿ ಸ್ವಾಮ್ಯದ ಎಸ್ ಬಿಐ 2ನೇ ಸ್ಥಾನದಲ್ಲಿದೆ ಎಂದು ಆರ್ ಬಿಐ ತಿಳಿಸಿದೆ.

2016ರ ಏಪ್ರಿಲ್ ಹಾಗೂ ಡಿಸೆಂಬರ್ ತಿಂಗಳ ನಡುವೆ ನಡೆದ ವಂಚನೆ ಪ್ರಕರಣಗಳಲ್ಲಿ ಐಸಿಐಸಿಐ ಹಾಗೂ ಎಸ್ ಬಿಐ ಟಾಪ್ ನಲ್ಲಿರುವುದಾಗಿ ಹೇಳಿದೆ.

ಐಸಿಐಸಿಐ ಬ್ಯಾಂಕ್ ವಿರುದ್ದ 455 ವಂಚನೆ ಪ್ರಕರಣ ದಾಖಲಾಗಿದ್ದರೆ. ಎಸ್ ಬಿಐ ವಿರುದ್ಧ 429, ಸ್ಟ್ಯಾಂಡರ್ಡ್ ಚಾರ್ಟರ್ಡ್ ಬ್ಯಾಂಕ್ ವಿರುದ್ಧ 244 ಹಾಗೂ ಎಚ್ ಡಿಎಫ್ ಸಿ ಬ್ಯಾಂಕ್ ವಿರುದ್ಧ 237 ಪ್ರಕರಣ ದಾಖಲಾಗಿದೆ ಎಂದು ಆರ್ ಬಿಐ ಮಾಹಿತಿ ನೀಡಿದೆ. ಇನ್ನುಳಿದಂತೆ ಆಕ್ಸಿಸ್ ಬ್ಯಾಂಕ್, ಬ್ಯಾಂಕ್ ಆಫ್ ಬರೋಡಾ ಹಾಗೂ ಸಿಟಿ ಬ್ಯಾಂಕ್ ವಿರುದ್ಧವೂ ವಂಚನೆ ಪ್ರಕರಣ ದಾಖಲಾಗಿದೆ.
ಆರ್ ಬಿಐ ಮಾಹಿತಿ ಪ್ರಕಾರ, ಎಸ್ ಬಿಐನಲ್ಲಿ 2,236.81 ಕೋಟಿ ರೂಪಾಯಿ ವಂಚನೆಯಲ್ಲಿ ಶಾಮೀಲಾಗಿದ್ದರೆ, ಪಂಜಾಬ್ ನ್ಯಾಷನಲ್ ಬ್ಯಾಂಕ್ 2,250.34 ಕೋಟಿ ಹಾಗೂ ಆಕ್ಸಿಸ್ ಬ್ಯಾಂಕ್ 1,998.49 ಕೋಟಿ ರೂಪಾಯಿ ಎಂದು ವಿವರಿಸಿದೆ. ಆರ್ ಬಿಐ ನೀಡಿರುವ ಡಾಟಾದ ಪ್ರಕಾರ ವಿತ್ತ ಸಚಿವಾಲಯ ಈ ವಂಚನೆ ಪ್ರಕರಣಗಳನ್ನು ಬಹಿರಂಗಗೊಳಿಸಿದೆ.

ವಂಚನೆ ಪ್ರಕರಣಗಳಲ್ಲಿ ಬ್ಯಾಂಕ್ ಸಿಬ್ಬಂದಿಗಳೇ ಶಾಮೀಲಾಗಿರುವುದು ಪತ್ತೆಯಾಗಿದ್ದು, ಎಸ್ ಬಿಐನ 64 ಸಿಬ್ಬಂದಿಗಳು ಎಚ್ ಡಿಎಫ್ ಸಿಯ 49, ಆಕ್ಸಿಸ್ ಬ್ಯಾಂಕ್ ನ 35 ಸಿಬ್ಬಂದಿ ಶಾಮೀಲಾಗಿದ್ದಾರೆ.