ಸಿಕಂದರ್‌ ಸಿಕ್ಸರ್‌ಗೆ ಕಾರಿನ ಗಾಜು ಪುಡಿಪುಡಿ

ಹರಾರೆ: ಐಸಿಸಿ ವಿಶ್ವಕಪ್‌ ಅರ್ಹತಾ ಕ್ರಿಕೆಟ್‌ ಕೂಟದ ವೇಳೆ ಜಿಂಬಾಬ್ವೆ ಬ್ಯಾಟ್ಸ್‌ಮನ್‌ ಸಿಕಂದರ್‌ ರಾಜಾ ಸಿಡಿಸಿದ ಸಿಕ್ಸರ್‌ವೊಂದು ಕ್ರೀಡಾಂಗಣದ ಹೊರಕ್ಕೆ ಚಿಮ್ಮಿ ಕಾರೊಂದರ ಗಾಜನ್ನು ಪುಡಿಪುಡಿಗೊಳಿಸಿದೆ. 

ಆತಿಥೇಯ ಜಿಂಬಾಬ್ವೆ-ನೇಪಾಳ ತಂಡದ ವಿರುದ್ಧ ನಡೆದ ಪಂದ್ಯದ ವೇಳೆ ಘಟನೆ ನಡೆದಿದೆ. ಏಕಾಏಕಿ ಕಾರಿನ ಗಾಜು ಪುಡಿಯಾಗಿದ್ದನ್ನು ನೋಡಿ ಕಾರಿನ ಮಾಲಿಕ ಕಕ್ಕಾಬಿಕ್ಕಿಯಾಗಿದ್ದಾನೆ. ವಾಪಸ್‌ ಚೆಂಡನ್ನು ಕ್ರೀಡಾಂಗಣದತ್ತ ಎಸೆದಿದ್ದಾನೆ. ಈ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ. ಫ‌ುಲ್‌ಟಾಸ್‌ ಎಸೆತವನ್ನು ಸಿಕ್ಸರ್‌ಗೆ ಅಟ್ಟಿದ ಸಿಕಂದರ್‌ ರಾಜಾ ಶತಕ ಸಿಡಿಸಿ ಸಂಭ್ರಮಿಸಿದ್ದು ವಿಶೇಷವಾಗಿತ್ತು.