Advertisement
22ರ ಹರೆಯದ ರಬಾಡ ಕೇಪ್‌ಟೌನ್‌ ಟೆಸ್ಟ್‌ನಲ್ಲಿ ಒಟ್ಟು 5 ವಿಕೆಟ್‌ ಕಿತ್ತು ಐದಂಕ ಸಂಪಾದಿಸಿದರು. ಇದೇ ವೇಳೆ ಆ್ಯಶಸ್‌ ಸರಣಿಯ ಸಿಡ್ನಿ ಟೆಸ್ಟ್‌ನಲ್ಲಿ ಆ್ಯಂಡರ್ಸನ್‌ ಕಳಪೆ ಬೌಲಿಂಗ್‌ ಪ್ರದರ್ಶನದಿಂದಾಗಿ 5 ಅಂಕಗಳನ್ನು ಕಳೆದುಕೊಂಡರು. ಈ ಲೆಕ್ಕಾಚಾರದಂತೆ ರಬಾಡ ಈಗ “ಆ್ಯಂಡಿ’ಗಿಂತ ಕೇವಲ ಒಂದು ಅಂಕದ ಮುನ್ನಡೆ ಹೊಂದಿದ್ದಾರೆ. ಭಾರತದೆದುರಿನ ಮುಂದಿನೆರಡು ಟೆಸ್ಟ್‌ಗಳಲ್ಲಿ ಉತ್ತಮ ಪ್ರದರ್ಶನ ನೀಡಿದರೆ ರಬಾಡ ಅಂಕದಲ್ಲಿ ಇನ್ನಷ್ಟು ಹೆಚ್ಚಳವಾಗುವ ಸಾಧ್ಯತೆ ಇದೆ.
Related Articles
ಸ್ಮಿತ್‌ ಅಗ್ರಸ್ಥಾನದಲ್ಲೇ…
ಟೆಸ್ಟ್‌ ಬ್ಯಾಟಿಂಗ್‌ ರ್‍ಯಾಂಕಿಂಗ್‌ ಯಾದಿಯಲ್ಲಿ ಆಸ್ಟ್ರೇಲಿಯದ ಸ್ಟೀವನ್‌ ಸ್ಮಿತ್‌ 947 ಅಂಕಗಳೊಂದಿಗೆ ಅಗ್ರಸ್ಥಾನದಲ್ಲೇ ವಿರಾಜಮಾನ ರಾಗಿದ್ದಾರೆ. ಆದರೆ ವರ್ಷಾಂತ್ಯದ ರ್‍ಯಾಂಕಿಂಗ್‌ ಯಾದಿಯಲ್ಲಿ ದ್ವಿತೀಯ ಸ್ಥಾನದಲ್ಲಿದ್ದ ವಿರಾಟ್‌ ಕೊಹ್ಲಿ ಈಗ ಮೂರಕ್ಕಿಳಿದಿದ್ದಾರೆ. ಜೋ ರೂಟ್‌ ಎರಡಕ್ಕೇರಿದ್ದಾರೆ. ರೂಟ್‌-ಕೊಹ್ಲಿ ನಡುವೆ ಕೇವಲ ಒಂದಂಕದ ವ್ಯತ್ಯಾಸವಷ್ಟೇ ಇದೆ. ಸಿಡ್ನಿ ಟೆಸ್ಟ್‌ ಸಾಧನೆಗಾಗಿ ರೂಟ್‌ 26 ಅಂಕ ಗಳಿಸಿದರೆ, ಕೇಪ್‌ಟೌನ್‌ ವೈಫ‌ಲ್ಯದಿಂದಾಗಿ ಕೊಹ್ಲಿ 13 ಅಂಕ ಕಳೆದುಕೊಂಡರು.
Advertisement
ಚೇತೇಶ್ವರ್‌ ಪೂಜಾರ ಕೂಡ ಕುಸಿತ ಕಂಡಿದ್ದು, ಮೂರರಿಂದ ಐದಕ್ಕೆ ಇಳಿದಿದ್ದಾರೆ. ದಕ್ಷಿಣ ಆಫ್ರಿಕಾದ ಡೀನ್‌ ಎಲ್ಗರ್‌, ಹಾಶಿಮ್‌ ಆಮ್ಲ ಕೂಡ 3 ಸ್ಥಾನ ಕೆಳಕ್ಕಿಳಿದಿದ್ದಾರೆ. 2014ರ ಅಂಡರ್‌-19 ವಿಶ್ವಕಪ್ ಪಂದ್ಯಾವಳಿಯ ಸರಣಿಶ್ರೇಷ್ಠ ಆಟಗಾರ ಐಡನ್‌ ಮಾರ್ಕ್‌ರಮ್‌, ಭಾರತದ ಆಲ್‌ರೌಂಡರ್‌ ಹಾರ್ದಿಕ್‌ ಪಾಂಡ್ಯ ಕ್ರಮವಾಗಿ 6 ಹಾಗೂ 24 ಸ್ಥಾನಗಳ ಜಿಗಿತ ಕಂಡಿದ್ದಾರೆ. ಇವರಿಬ್ಬರು ಕ್ರಮವಾಗಿ 48ನೇ ಹಾಗೂ 49ನೇ ಸ್ಥಾನದಲ್ಲಿದ್ದಾರೆ.
ಟೆಸ್ಟ್‌ ಆಲ್‌ರೌಂಡರ್‌ಗಳ ಯಾದಿ ಯಲ್ಲಿ ಶಕಿಇಬ್‌ ಅಲ್‌ ಹಸನ್‌, ರವೀಂದ್ರ ಜಡೇಜ ಮೊದಲೆರಡು ಸ್ಥಾನದಲ್ಲಿ ಮುಂದುವರಿದಿದ್ದಾರೆ. ಸೋತರೂ ಭಾರತದ ನಂ.1 ಸ್ಥಾನಕ್ಕೆ ಧಕ್ಕೆಯಾಗಿಲ್ಲ.
ಆಫ್ರಿಕಾದ 7ನೇ ಬೌಲರ್ಕಾಗಿಸೊ ರಬಾಡ ನಂ.1 ಗೌರವಕ್ಕೆ ಪಾತ್ರರಾದ ದಕ್ಷಿಣ ಆಫ್ರಿಕಾದ 7ನೇ ಟೆಸ್ಟ್‌ ಬೌಲರ್. ಉಳಿದವರೆಂದರೆ ಯುಬ್ರೆ ಫಾಕ್ನರ್‌, ಹಗ್‌ ಟೆಫೀಲ್ಡ್‌, ಪೀಟರ್‌ ಪೋಲಾಕ್‌, ಶಾನ್‌ ಪೋಲಾಕ್‌, ಡೇಲ್‌ ಸ್ಟೇನ್‌ ಮತ್ತು ವೆರ್ನನ್‌ ಫಿಲಾಂಡರ್‌. ಟಾಪ್‌-10
ಟೆಸ್ಟ್‌ ಬ್ಯಾಟ್ಸ್‌ಮನ್‌
1. ಸ್ಟೀವನ್‌ ಸ್ಮಿತ್‌ (947)
2. ಜೋ ರೂಟ್‌ (881)
3. ವಿರಾಟ್‌ ಕೊಹ್ಲಿ (880)
4. ಕೇನ್‌ ವಿಲಿಯಮ್ಸನ್‌ (855)
5. ಚೇತೇಶ್ವರ್‌ ಪೂಜಾರ (848)
6. ಡೇವಿಡ್‌ ವಾರ್ನರ್‌ (827)
7. ಅಜರ್‌ ಅಲಿ (755)
8. ದಿನೇಶ್‌ ಚಂಡಿಮಾಲ್‌ (743)
9. ಅಲಸ್ಟೇರ್‌ ಕುಕ್‌ (742)
10. ಹಾಶಿಮ್‌ ಆಮ್ಲ (740). ಟೆಸ್ಟ್‌ ಬೌಲರ್
1. ಕಾಗಿಸೊ ರಬಾಡ (888)
2. ಜೇಮ್ಸ್‌ ಆ್ಯಂಡರ್ಸನ್‌ (887)
3. ರವೀಂದ್ರ ಜಡೇಜ (861)
4. ಆರ್‌. ಅಶ್ವಿ‌ನ್‌ (830)
5. ಹ್ಯಾಝಲ್‌ವುಡ್‌ (814)
6. ವೆರ್ನನ್‌ ಫಿಲಾಂಡರ್‌ (806)
7. ರಂಗನ ಹೆರಾತ್‌ (799)
8. ನೀಲ್‌ ವ್ಯಾಗ್ನರ್‌ (784)
9. ಮಕಿಚೆಲ್‌ ಸ್ಟಾರ್ಕ್‌ (769)
10. ನಥನ್‌ ಲಿಯೋನ್‌ (769).