Advertisement
ನ್ಯೂಜಿಲ್ಯಾಂಡ್ ಟಾಸ್ ಗೆದ್ದು ಬೌಲಿಂಗ್ ಆಯ್ಕೆ ಮಾಡಿಕೊಂಡಿತು. ಆರಂಭದಿಂದಲೇ ಅಬ್ಬರಿಸಿದ ಆಸೀಸ್ ಮೊದಲ ವಿಕೆಟ್ ಗೆ 175 ರನ್ ಗಳ ಜತೆಯಾಟವಾಡಿತು. ಟ್ರ್ಯಾವಿಸ್‌ ಹೆಡ್‌ ಸ್ಪೋಟಕ ಶತಕ ಸಿಡಿಸಿದರು.109(67 ಎಸೆತ) ರನ್ ಗಳಿಸಿ ಔಟಾದರು. ಡೇವಿಡ್‌ ವಾರ್ನರ್‌ 65 ಎಸೆತಗಳಲ್ಲಿ 81 ರನ್ ಗಳಿಸಿ ಔಟಾದರು.
Related Articles
Advertisement
ವಿಶ್ವ ಕಪ್ ನ 6 ನೇ ಪಂದ್ಯದಲ್ಲಿ ರಚಿನ್ ರವೀಂದ್ರ 2 ನೇ ದಾಖಲೆಯ ಶತಕ ಬಾರಿಸಿದರು. ನ್ಯೂಜಿಲ್ಯಾಂಡ್ ಪರ ಇದು ವಿಶ್ವಕಪ್ ನ ಅತೀವೇಗದ ಶತಕವಾಗಿದೆ. 77 ಎಸೆತಗಳಲ್ಲಿ ಶತಕ ಪೂರ್ಣಗೊಳಿಸಿದರು. ಇಂಗ್ಲೆಂಡ್ ಎದುರು ರಚಿನ್ 82 ಎಸೆತಗಳಲ್ಲಿ ಶತಕ ಸಿಡಿಸಿದ್ದರು. ಕೊನೆಯ 6 ಎಸೆತಗಳಲ್ಲಿ 19 ರನ್ ಅಗತ್ಯವಿತ್ತು. ಜೇಮ್ಸ್ ನೀಶಮ್‌ ಮತ್ತು ಬೌಲ್ಟ್ ಕ್ರೀಸ್ ನಲ್ಲಿದ್ದರು. ಮಿಚೆಲ್ ಸ್ಟಾರ್ಕ್ ಎಸೆದ ಓವರ್ ನ 2 ನೇ ಚೆಂಡು ವೈಡ್ ಆಗಿ ಬೌಂಡರಿಗೆ ಹೋಯಿತು. 5 ರನ್ ಲಭ್ಯವಾಯಿತು. 3 ಎಸೆತಗಳಲ್ಲಿ 9 ರನ್ ಅಗತ್ಯವಿತ್ತು. 2 ಎಸೆತಗಳಲ್ಲಿ 7 ರನ್ ಬೇಕಾಯಿತು. 57 ರನ್ ಗಳಿಸಿ ಗೆಲುವಿನ ಭರವಸೆ ಮೂಡಿಸಿದ್ದ ಜೇಮ್ಸ್ ನೀಶಮ್‌ ರನ್ ಔಟಾದರು. ಆಸ್ಟ್ರೇಲಿಯ ತಂಡ ಕೊನೆಯ ಓವರ್ ನಲ್ಲಿ ಅಮೋಘ ಫೀಲ್ಡಿಂಗ್ ಸಾಮರ್ಥ್ಯ ತೋರಿ ಗೆಲುವು ತನ್ನದಾಗಿಸಿಕೊಂಡಿತು. ಕೊನೆಯ ಎಸೆತದಲ್ಲಿ ಲಾಕಿ ಫರ್ಗುಸನ್ ಗೆ ಸಿಕ್ಸ್ ಬಾರಿಸುವುದು ಅಸಾಧ್ಯವಾಯಿತು. 50 ಓವರ್ ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 383 ರನ್ ಗಳನ್ನು ಗಳಿಸಿ ವೀರೋಚಿತ ಸೋಲು ಅನುಭವಿಸಿತು. ಆಸೀಸ್ ಪರ ಆ್ಯಡಂ ಝಂಪ 3 ವಿಕೆಟ್ ಪಡೆದರು. ನಾಯಕ ಪ್ಯಾಟ್‌ ಕಮಿನ್ಸ್‌ ಮತ್ತು ಹೇಝಲ್‌ವುಡ್‌ ತಲಾ 2 ವಿಕೆಟ್ ಪಡೆದರು. ಮ್ಯಾಕ್ಸ್‌ ವೆಲ್‌ 1 ವಿಕೆಟ್ ಪಡೆದರು. ಅಂಕಪಟ್ಟಿಯಲ್ಲಿ 6 ಪಂದ್ಯಗಳಲ್ಲಿ 4 ಗೆಲುವಿನೊಂದಿಗೆ ನ್ಯೂಜಿಲ್ಯಾಂಡ್ 8 ಅಂಕದೊಂದಿಗೆ (+1.232 ರನ್ ರೇಟ್) 3 ನೇ ಸ್ಥಾನದಲ್ಲಿದ್ದು, ಆಸ್ಟ್ರೇಲಿಯ ಕೂಡ 4 ಗೆಲುವಿನೊಂದಿಗೆ( +0.970 ರನ್ ರೇಟ್) 4 ನೇ ಸ್ಥಾನದಲ್ಲಿದೆ.