ಇಯಾನ್‌ ಮಾರ್ಗನ್‌ ದಾಖಲೆ

ಓವಲ್: ಐಸಿಸಿ ವಿಶ್ವಕಪ್‌ ಕ್ರಿಕೆಟ್ ಕೂಟದ ಆರಂಭಿಕ ಪಂದ್ಯಕ್ಕಾಗಿ ಟಾಸ್‌‌ಗೆ ಆಗಮಿಸಿದ ಇಂಗ್ಲೆಂಡ್‌ ನಾಯಕ ಇಯಾನ್‌ ಮಾರ್ಗನ್‌ ಅವರು ದಾಖಲೆಯೊಂದನ್ನು ಮುರಿದಿದ್ದಾರೆ.

ಅಯರ್‌ಲ್ಯಾಂಡ್‌ ಮೂಲದ ಮಾರ್ಗನ್‌ ಅವರು ಇಂಗ್ಲೆಂಡ್‌ ಪರ 200 ಏಕದಿನ ಪಂದ್ಯವನ್ನಾಡಿದ ಮೊದಲ ಆಟಗಾರ ಆಗಿದ್ದಾರೆ. ಅವರು ಈಗಾಗಲೇ ಪಾಲ್ ಕಾಲಿಂಗ್‌ವುಡ್‌ ಅವರ ದಾಖಲೆ (197 ಏಕದಿನ) ಯನ್ನು ಅಳಿಸಿ ಹಾಕಿದ್ದಾರೆ. ಪಾಕಿಸ್ಥಾನ ವಿರುದ್ಧ ನಡೆದ ಐದು ಪಂದ್ಯಗಳ ಸರಣಿ ವೇಳೆ ಮಾರ್ಗನ್‌ ಈ ದಾಖಲೆ ಮುರಿದಿದ್ದರು.

ಉದ್ಘಾಟನ ಪಂದ್ಯದಲ್ಲಿ ಆಡುವ ಮೂಲಕ ಮಾರ್ಗನ್‌ ಇಂಗ್ಲೆಂಡ್‌ ಪರ ದ್ವಿಶತಕ ಪಂದ್ಯ ಆಡಿದ ಸಾಧಕ ಎಂದೆನಿಸಿಕೊಂಡರು. ಇಂಗ್ಲೆಂಡ್‌ ಪರ ಮಾರ್ಗನ್‌ ಉತ್ತಮ ಗೆಲುವಿನ ದಾಖಲೆ ಹೊಂದಿದ್ದಾರೆ. ಇಷ್ಟರವರೆಗೆ ಆಡಿದ 199 ಏಕದಿನ ಪಂದ್ಯಗಳ ವೇಳೆ ಮಾರ್ಗನ್‌ ನೇತೃತ್ವದ ಪಡೆ 113 ಪಂದ್ಯಗಳಲ್ಲಿ ಜಯಭೇರಿ ಬಾರಿಸಿದೆ.

ತನ್ನ ಬಾಳ್ವೆ ವೇಳೆ ಮಾರ್ಗನ್‌ 221 ಏಕದಿನ ಪಂದ್ಯಗಳನ್ನಾಡಿದ್ದಾರೆ. ಅಯರ್‌ಲ್ಯಾಂಡ್‌ ಪರ 21 ಪಂದ್ಯ ಆಡಿದ್ದರು.