ಹೇಮಾವತಿ ನಾಲೆಗೆ ಡೈನಾಮೈಟ್‌ ಇಡ್ತೇನೆ ; ಗುಡುಗಿದ ಶಿವಲಿಂಗೇಗೌಡ 

ತುಮಕೂರು:ಅರಸೀಕೆರೆ ಜೆಡಿಎಸ್‌ ಶಾಸಕ ಶಿವಲಿಂಗೇಗೌಡ ನೀರಾವರಿ ಇಲಾಖೆ ಅಧಿಕಾರಿಗಳ ವಿರುದ್ದ ಶುಕ್ರವಾರ ಕಿಡಿ ಕಾರಿದ್ದು, ನಾನು ಹೇಮಾವತಿ ನಾಲೆಗೆ ಡೈನಾಮೈಟ್‌ ಇಡುತ್ತೇನೆ ತಾಕತ್‌ ಇದ್ದರೆ ತಡೆಯಿರಿ.ಅದೇನಾಗುತ್ತೇ ನೋಡಿಯೇ ಬಿಡುತ್ತೇನೆ ಎಂದು ಗುಡುಗಿದ್ದಾರೆ. 

ಡಿಸಿ ಕಚೇರಿಯಲ್ಲಿ ನಡೆದ ಹೇಮಾವತಿ ಜಲಾಶಯದ ನೀರಾವರಿ ಸಲಹಾ ಸಮಿತಿ ಸಭೆಯಲ್ಲಿ ಮಾತನಾಡಿದ ಅವರು ಕೆಂಡಾಮಂಡಲವಾದರು. ತಿಪಟೂರಿನ ಮೂಲಕ ಅರಸೀಕೆರೆಗೆ ಹರಿಯಬೇಕಾದ ನೀರನ್ನು ಸರಿಯಾಗಿ ಹರಿಸಿಲ್ಲ ಎಂದು ಕಿಡಿ ಕಾರಿದರು. 

ಅರಸೀಕೆರೆಯಲ್ಲಿ  ಮಳೆ ಕೊರತೆಯಾಗಿದೆ. ನಮ್ಮ ಜನರು ರೊಚ್ಚಿಗೆದ್ದಿದ್ದಾರೆ. ನಮ್ಮ ಪಾಲಿನ ನೀರು ನಮಗೆ ಬಿಡಬೇಕು ಎಂದು ಆಗ್ರಹಿಸಿದರು.