ನಾನು ಈಗಲೂ ಮುಸ್ಲಿಂ: ನುಸ್ರತ್‌

ಹೊಸದಿಲ್ಲಿ: ನಾನು ಈಗಲೂ ಮುಸ್ಲಿಂ ಆಗಿದ್ದೇನೆ. ನಾನು ಧರಿಸಿರುವುದರ ಬಗ್ಗೆ ಯಾರೂ ಮಾತನಾಡುವ ಅಗತ್ಯವಿಲ್ಲ. ನಂಬಿಕೆ ಎಂಬುದು ಉಡುಪಿನಲ್ಲಿ ಇಲ್ಲ ಎಂದು ಪಶ್ಚಿಮ ಬಂಗಾಲದ ಬಸಿರ್‌ಹಾತ್‌ನ ಟಿಎಂಸಿ ಸಂಸದೆ ನುಸ್ರತ್‌ ಜಹಾನ್‌ ಹೇಳಿದ್ದಾರೆ.

ಸಂಸತ್ತಿಗೆ ಸಿಂಧೂರ ಹಾಗೂ ಮಂಗಳಸೂತ್ರ ಧರಿಸಿ ತೆರಳಿದ್ದಕ್ಕೆ ದೇವ್‌ಬಂದ್‌ ಮೌಲ್ವಿಗಳು ನುಸ್ರತ್‌ ವಿರುದ್ಧ ಫ‌ತ್ವಾ ಹೊರಡಿಸಿದ್ದರು. ಇದಕ್ಕೆ ಪ್ರತಿಕ್ರಿಯಿಸಿದ ನುಸ್ರತ್‌ ಈ ಹೇಳಿಕೆ ನೀಡಿದ್ದು, ಯಾವುದೇ ಧರ್ಮದ ಮೂಲ ಭೂತ ವಾದಿಗಳ ಹೇಳಿಕೆಗಳಿಗೆ ಪ್ರತಿಕ್ರಿಯೆ ನೀಡಿದರೆ ಸಮಾಜದಲ್ಲಿ ಇನ್ನಷ್ಟು ದ್ವೇಷ ಭಾವನೆ ಉಂಟಾಗುತ್ತದೆ.

ಇದಕ್ಕೆ ಇತಿಹಾಸವೇ ಸಾಕ್ಷಿ ಎಂದಿದ್ದಾರೆ. ಕಳೆದ ಕೆಲವೇ ದಿನಗಳ ಹಿಂದೆ ಉದ್ಯಮಿ ನಿಖೀಲ್‌ ಜೈನ್‌ ಅವರನ್ನು ಟರ್ಕಿಯಲ್ಲಿ ನುಸ್ರತ್‌ ವಿವಾಹವಾಗಿದ್ದರು.