ಹೃತಿಕ್‌ ವಿರುದ್ಧ ಕೇಸು

ಚೆನ್ನೈ: ಬಾಲಿವುಡ್‌ ನಟ ಹೃತಿಕ್‌ ರೋಷನ್‌ ಈಗ ಮತ್ತೆ ವಿವಾದಕ್ಕೆ ಸಿಲುಕಿಕೊಂಡಿದ್ದಾರೆ. ವಂಚನೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಹೃತಿಕ್‌ ಸೇರಿ ಒಟ್ಟು ಒಂಬತ್ತು ಮಂದಿಯ ವಿರುದ್ಧ ಚೆನ್ನೈನ ಕೊಡುಂಗೈಯೂರ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. 21 ಲಕ್ಷ ರೂ. ವಂಚಿಸಿದ್ದಾರೆಂದು ಆರೋಪಿಸಿರುವ ಸ್ಟಾಕಿಸ್ಟ್‌ ಆರ್‌. ಮುರಳೀಧರನ್‌ ಪೊಲೀಸರಿಗೆ ದೂರು ನೀಡಿದ್ದಾರೆ. ಹೃತಿಕ್‌ ರೋಷನ್‌ ರಾಯಭಾರಿಯಾಗಿರುವ ಗುರುಗಾಂವ್‌ ಮೂಲದ ಮನೆ ಬಳಕೆ ವಸ್ತುಗಳ ತಯಾರಿಕಾ ಸಂಸ್ಥೆಯೊಂದಕ್ಕೆ ಸ್ಟಾಕಿಸ್ಟ್‌ ಆಗಿ ನೇಮಕ ಮಾಡಿಕೊಂಡು, ನಂತರ ವಂಚಿಸಲಾಗಿದೆ ಎಂದು ಆರೋಪಿಸಿದ್ದಾರೆ.