ಆರಕ್ಕೆ ಏರಿದ ಕೋವಿಡ್ ಪಾಸಿಟಿವ್‌

ಹುಣಸಗಿ: ಕೋವಿಡ್ ಸೋಂಕು ಕಂಡು ಬಂದಿದ್ದು, ಈಗ ಐದರಿಂದ ಆರಕ್ಕೆ ಎರಿಕೆಯಾಗಿದೆ. ಚಾಲಕನಿಗೆ ಕೋವಿಡ್ ಪಾಸಿಟಿವ್‌ ಬಂದಿದೆ ಎಂದು ಸಮುದಾಯ ಆರೋಗ್ಯ ಕೇಂದ್ರದ ವೈದ್ಯಾಧಿಕಾರಿ ಧರ್ಮರಾಜ ಹೊಸಮನಿ ತಿಳಿಸಿದ್ದಾರೆ.

ಸೋಂಕಿತ ವ್ಯಕ್ತಿ ಮನೆ ಸುತ್ತಮುತ್ತಲಿನ 100 ಮೀಟರ್‌ ಪ್ರದೇಶವನ್ನು ಕಂಟೇನ್ಮೆಂಟ್‌ ಪ್ರದೇಶ ಎಂದು ಗುರುತಿಸಲಾಗಿದೆ. ಒಟ್ಟು 85 ಮನೆಗಳಲ್ಲಿ 290 ಜನರು ವಾಸವಾಗಿದ್ದಾರೆ. ಬಸ್‌ನಿಲ್ದಾಣ ಸೇರಿದಂತೆ ಬ್ಯಾಂಕ್‌, ಎಲ್‌ ಐಸಿ ಕಚೇರಿಗಳು ಇವೆ. ಕೋವಿಡ್ ಸೊಂಕು ಪತ್ತೆಯಾದ ಏರಿಯಾದಲ್ಲಿ ಸಿಲ್‌ಡೌನ್‌ ಮಾಡಲಾಗಿದೆ.

ಸ್ಥಳಕ್ಕೆ ತಹಶೀಲ್ದಾರ್‌ ವಿನಯಕುಮಾರ ಪಾಟೀಲ ಭೇಟಿ ನೀಡಿ ಪರಿಶೀಲಿಸಿದರು. ಬಳಿಕ ಮಾತನಾಡಿದ ಅವರು, ಪಟ್ಟಣ ಪಂಚಾಯಿತಿ ವತಿಯಿಂದ ಪ್ರದೇಶದಲ್ಲಿ 70 ಮೀಟರ್‌ ಅಂತರಲ್ಲಿನ ಎಲ್ಲ ಪ್ರಮುಖ ರಸ್ತೆಗಳನ್ನು ಬಂದ್‌ ಮಾಡುವ ಮೂಲಕ ಸುರಕ್ಷತೆಗೆ ಆದ್ಯತೆ ನೀಡಲಾಗುತ್ತದೆ. ಒಂದೇ ದ್ವಾರದ ಮೂಲಕ ಎಲ್ಲರೂ ತೆರಳುವಂತೆ ವ್ಯವಸ್ಥೆ ಮಾಡಲಾಗುತ್ತಿದ್ದು, ಇತರರು ಯಾರೂ ಮನೆಗಳಿಗೆ ಭೇಟಿ ನೀಡದಂತೆ ತೀವ್ರ ನಿಗಾವಹಿಸಲಾಗುತ್ತಿದೆ. ಜಿಲ್ಲಾಧಿಕಾರಿಗಳ ಆದೇಶದಂತೆ ಮುಂದಿನ ಕ್ರಮ ತೆಗೆದುಕೊಳ್ಳಲಾಗುತ್ತಿದೆ ಎಂದು ಹೇಳಿದರು.