ಯುವ ಜನಾಂಗದ ಸ್ಫೂರ್ತಿ ಸೆಲೆ ಮೋದಿ

ನವದೆಹಲಿ: ಉತ್ತಮ ವಾಗ್ಮಿàಯತೆ, ವರ್ಚಸ್ಸಿನಿಂದಲೇ ದೇಶದ ಜನರನ್ನು ಸೆಳೆದಿರುವ ಪ್ರಧಾನಿ ನರೇಂದ್ರ ಮೋದಿ, ಭಾರತದ ಕೋಟ್ಯಂತರ ಯುವ ಜನಾಂಗದ ಸ್ಫೂರ್ತಿಯ ರಾಜಕೀಯ ನಾಯಕರಾಗಿ ಹೊರಹೊಮ್ಮಿದ್ದಾರೆ. 

“ಹಿಂದೂಸ್ತಾನ್‌ ಟೈಮ್ಸ್‌’ ನಡೆಸಿರುವ ಈ ಸಮೀಕ್ಷೆಯಲ್ಲಿ ಮೋದಿ ಈ ಸ್ಥಾನ ಅಲಂಕರಿಸುತ್ತಿದ್ದಾರೆ. ಈ ಹಿರಿಮೆಗೆ ಅವರು ಭಾಜನರಾಗುತ್ತಿರುವುದು ಇದು ಐದನೇ ಬಾರಿ. ಇದೇ ಪಟ್ಟಿಯಲ್ಲಿ ರಾಹುಲ್‌ ಗಾಂಧಿ (ಶೇ. 8.9) ದ್ವಿತೀಯ ಸ್ಥಾನದಲ್ಲಿದ್ದರೆ, ಸೋನಿಯಾ ಗಾಂಧಿ (ಶೇ. 8.7) ಮೂರನೇ ಸ್ಥಾನದಲ್ಲಿದ್ದಾರೆ.

ಯುವ ಜನರನ್ನು ಸ್ಫೂರ್ತಿಗೊಳಿಸಬಲ್ಲ ಜೀವಮಾನ ಸಾಧಕರ ಪಟ್ಟಿಯಲ್ಲಿಯೂ ಮೋದಿ (ಶೇ. 34.6) ಅಗ್ರಸ್ಥಾನ ದಲ್ಲಿ ರಾರಾಜಿಸಿದ್ದಾರೆ. ಈ ಪಟ್ಟಿಯ ಎರಡನೇ ಸ್ಥಾನದಲ್ಲಿ ಅಮೆರಿಕದ ಖ್ಯಾತ ಉದ್ಯಮಿ ಬಿಲ್‌ ಗೇಟ್ಸ್‌ (ಶೇ. 25.5), ತೃತೀಯ ಸ್ಥಾನದಲ್ಲಿ ಪ್ರತಿಷ್ಠಿತ ಗೂಗಲ್‌ ಕಂಪನಿಯ ಮುಖ್ಯ ಕಾರ್ಯನಿರ್ವಾಹಕ, ಭಾರತೀಯ ಮೂಲದ ಸುಂದರ್‌ ಪಿಚೈ (ಶೇ. 11) ಇದ್ದಾರೆ. ಯುವಜನರನ್ನು ಸ್ಫೂರ್ತಿಗೊಳಿಸುವ, ಸಿನಿಮಾ ನಟರು, ಸಾಧಕರ ಬಗ್ಗೆಯೂ “ಹಿಂದೂಸ್ತಾನ್‌ ಟೈಮ್ಸ್‌’ ಸಮೀಕ್ಷೆ ನಡೆಸಿದ್ದು, ಆ ವಿಭಾಗಗಳ ಪಟ್ಟಿ ಇಂತಿದೆ.

ಸಿನಿಮಾ ನಟರು
1. ಸಲ್ಮಾನ್‌ ಖಾನ್‌     18.3%
2. ಶಾರೂಖ್‌ ಖಾನ್‌     15.3%
3. ಅಕ್ಷಯ್‌ ಕುಮಾರ್‌     13.3%
4. ಅಮಿತಾಭ್‌ ಬಚ್ಚನ್‌     13.20%

ಕ್ರೀಡಾಪಟುಗಳು
1. ವಿರಾಟ್‌ ಕೊಹ್ಲಿ     29.7%
2. ರೋಜರ್‌ ಫೆಡರರ್‌    13.9%
3. ಕ್ರಿಶ್ಚಿಯಾನೊ ರೊನಾಲ್ಡೊ     10.9%
4. ಪಿ.ವಿ. ಸಿಂಧು     10.5%

ಮಾದಕ ಮಹಿಳೆ
1. ದೀಪಿಕಾ ಪಡುಕೋಣೆ     33%
2. ಪ್ರಿಯಾಂಕಾ ಚೋಪ್ರಾ      22.9%
3. ಅಲಿಯಾ ಭಟ್‌      22.9%

ಮಾದಕ ಪುರುಷ
1. ರಣಬೀರ್‌ ಕಪೂರ್‌     32.7%
2. ರಣವೀರ್‌ ಸಿಂಗ್‌     21.6%
3. ಕ್ರಿಶ್ಚಿಯಾನೊ ರೊನಾಲ್ಡೊ      8.9%