Advertisement
ಚಾಕು ಇರಿತಕ್ಕೆ ಒಳಗಾಗಿ ಗಾಯಗೊಂಡ ರಾಜು (20) ಎಂಬ ಯುವಕ ನಗರದ ಸರ್ಕಾರಿ ನೂರು ಹಾಸಿಗೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ಕೆಲ ದಿನಗಳಿಂದ ಆರೋಪಿ ನಾಗರಾಜ್, ಓರ್ವ ಯುವತಿಯ ಹೆಸರನ್ನು ಬಳಸಿಕೊಂಡು ಪ್ರೀತಿ ಪ್ರೇಮ ಎಂದು ಹೇಳಿಕೊಂಡು ತಿರುಗಾಡುತ್ತಿದ್ದನು. ಇದಕ್ಕೆ ರಾಜು ಬುದ್ದಿವಾದ ಹೇಳಿ, ಎಚ್ಚರಿಕೆ ನೀಡಿದ್ದಾನೆ. ಕುಪಿತಗೊಂಡ ಆರೋಪಿ ನಾಗರಾಜ, ರಾತ್ರಿ ಭಗತ್ ಸಿಂಗ್ ಬಡಾವಣೆ ಹತ್ತಿರ ಹಾದು ಹೋಗಿರುವ ಕಾಲುವೆ ಹತ್ತಿರ ರಾಜು ಮೇಲೆ ಎರಗಿ, ಚಾಕುವಿನಿಂದ ಕತ್ತಿನ ಭಾಗಕ್ಕೆ ಇರಿದಿದ್ದಾನೆ. ಈ ವೇಳೆ ಸ್ಥಳದಲ್ಲಿದ್ದ ಕೆಲ ಜನರು ರಾಜು ರಕ್ಷಣೆ ಮಾಡಿದ್ದಾರೆ. ಅಪಾಯದಿಂದ ಪಾರಾದ ರಾಜು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಹೊಂದಿ ಮನೆ ಸೇರಿಕೊಂಡಿದ್ದಾರೆ. ಇತ್ತ ಕೊಲೆಗೆ ಯತ್ನಿಸಿದ ಆರೋಪಿ ನಾಗರಾಜ ಜೈಲು ಸೇರಿದ್ದಾನೆ.