Horoscope:‌ ಪುತ್ರಿಗೆ ದೂರದಿಂದ ವಿವಾಹ ಪ್ರಸ್ತಾವ ಬರಲಿದೆ

ಮೇಷ: ಒಮ್ಮೊಮ್ಮೆ ಲೆಕ್ಕಾಚಾರ ತಪ್ಪುವುದು ಸ್ವಾಭಾವಿಕ. ಅನಾರೋಗ್ಯದ ಕಾಟದಿಂದ ಬಿಡುಗಡೆ. ಹಿರಿಯರಿಗೆ ನೆಮ್ಮದಿಯ ವಾತಾವರಣ.ಉದ್ಯೋಗಸ್ಥರಿಗೆ ಪದೋನ್ನತಿಯ ಸೂಚನೆ. ಪುತ್ರಿಗೆ ದೂರದಿಂದ ವಿವಾಹ ಪ್ರಸ್ತಾವ.

ವೃಷಭ: ಒಳ್ಳೆಯ ಕೆಲಸಗಳಿಗೆ ದೈವಾನುಗ್ರಹ.ಉದ್ಯೋಗ ರಂಗದಲ್ಲಿ ಖಾತೆ ಬದಲಾವಣೆ. ವ್ಯವಹಾರ ಕ್ಷೇತ್ರದಲ್ಲಿ ತಗ್ಗಿದ ಪೈಪೋಟಿ. ನಿರೀಕ್ಷಿತ ಲಾಭ ಕೈಸೇರಿ ಹರ್ಷ. ಕೃಷಿ ಸಾಧನಗಳು, ರಸಗೊಬ್ಬರ ಮೊದಲಾದವುಗಳ ವ್ಯಾಪಾರಿಗಳಿಗೆ ಶುಭ ಸೂಚನೆ.

ಮಿಥುನ: ಒಂದೊಮ್ಮೆಗೆ ಹಾಯೆನಿಸುವ ಅನುಭವ. ಪುಟ್ಟ ಸಮಸ್ಯೆಗಳಿಗೆ ಹೆದರುವುದು ಬೇಡ. ಧಾರ್ಮಿಕ, ಸಾಮಾಜಿಕ ಕಾರ್ಯಗಳಿಂದ ಮನಸ್ಸಿಗೆ ನೆಮ್ಮದಿ. ನಿರೀಕ್ಷಿತ ಆರ್ಥಿಕ ನೆರವು ಕೈಸೇರಿ ಸಮಾಧಾನ. ಬೌದ್ಧಿಕ ಕೆಲಸಗಾರರಿಗೆ ಕಿರಿಕಿರಿ.

ಕರ್ಕಾಟಕ: ಆಯೋಜಿತ ಕಾರ್ಯಗಳಿಗೆ ಚಾಲನೆ. ನಿರೀಕ್ಷಿತ ನೆರವು ವಿಳಂಬ. ಗೃಹಿಣಿಯರ ಉದ್ಯಮಗಳಿಗೆ ಉತ್ತೇಜನ. ಹಿರಿಯರಿಗೆ ಸ್ಥಾನ ಗೌರವದಿಂದ ಸಮಾಧಾನ. ತಾಂತ್ರಿಕ ದುಡಿಮೆಗಾರರಿಗೆ ಶುಭ ಸಮಾಚಾರ.

ಸಿಂಹ: ಅನುಕರಣೀಯ ಸಾಧನೆಗಳಿಂದ ಜನಾದರ ಪ್ರಾಪ್ತಿ. ಹೊಸ ಕ್ಷೇತ್ರಕ್ಕೆ ಕಾಲಿಡುವ ಸಿದ್ಧತೆ. ಪಶ್ಚಿಮ ದಿಕ್ಕಿನಿಂದ ಶುಭ ಸಮಾಚಾರ. ಹಿರಿಯರಲ್ಲಿ ಹಿಗ್ಗಿದ ಜೀವನೋತ್ಸಾಹ. ಆಸ್ತಿ ವಿವಾದ ಮಾತುಕತೆಯಲ್ಲಿ ಪರಿಹರಿಸಲು ಸಹಾಯ.

ಕನ್ಯಾ: ಸತ್ಕಾರ್ಯಕ್ಕೆ ನೆರವಾಗುವ ಅವಕಾಶ. ಪಾಲುದಾರರೊಂದಿಗೆ ಪ್ರಯಾಣ. ಗುರು ಸಮಾನ ವ್ಯಕ್ತಿಯಿಂದ ಮಾರ್ಗದರ್ಶನ. ನೈಸರ್ಗಿಕ ಕೃಷಿಯಲ್ಲಿ ಆಸಕ್ತರಿಗೆ ಸಂತೋಷದ ಸುದ್ದಿ. ಬಡಮಕ್ಕಳ ವಿದ್ಯಾರ್ಜನೆಗೆ ಸಹಾಯ.

ತುಲಾ: ಪಂಚಮ ಶನಿಯ ಬಾಧೆಯಿದ್ದರೂ ಭಯಪಡುವ ಸನ್ನಿವೇಶ ಇಲ್ಲ. ಭಗವತ್‌ ಕೈಂಕರ್ಯದಿಂದ ಜೀವನ ಯಾತ್ರೆ ಸುಗಮ.ಬಂಧುವರ್ಗದಲ್ಲಿ ವಿವಾಹ ನಿಶ್ಚಯ. ಹೊಲಿಗೆ ಕೆಲಸ ಬಲ್ಲವರಿಗೆ ವಿಶೇಷ ಅವಕಾಶ.

ವೃಶ್ಚಿಕ: ಕುಟುಂಬದ ಸಂತೋಷ ಕೂಟದಲ್ಲಿ ಭಾಗಿ. ಸ್ವತಂತ್ರ ವ್ಯವಹಾರಸ್ಥರಿಗೆ ಉತ್ತೇಜನದ ಕ್ರಮ. ಬಂಧುವರ್ಗದಲ್ಲಿ ಶುಭಕಾರ್ಯಕ್ಕೆ ಸಹಾಯ.ಕೃಷಿ ಉತ್ಪನ್ನ ವ್ಯಾಪಾರಿಗಳಿಗೆ ನಿರೀಕ್ಷೆ ಮೀರಿದ ಲಾಭ. ವ್ಯವಹಾರದ ಸಂಬಂಧ ಉತ್ತರಕ್ಕೆ ಪ್ರಯಾಣ.

ಧನು: ಉಪಕಾರ ನಿರೀಕ್ಷಿಸುವವರಿಗೆ ಸಹಾಯ. ವೃದ್ಧಾಶ್ರಮ, ಅನಾಥಾಶ್ರಮಕ್ಕೆ ಭೇಟಿ.  ಸಾಕುಪ್ರಾಣಿಗಳಿಂದ ತೊಂದರೆಯ ಸಾಧ್ಯತೆ. ವಾಹನ ಚಾಲನೆಯಲ್ಲಿ ಎಚ್ಚರ. ಮನೆಯಲ್ಲಿ ಆಭರಣ ತಯಾರಿಸುವವರಿಗೆ ಬೇಡಿಕೆ.

ಮಕರ: ಸಾಂಸಾರಿಕ, ಉದ್ಯೋಗ ಕ್ಷೇತ್ರಗಳಲ್ಲಿ ತೃಪ್ತಿ. ಅನುಭವ ಇರುವ ಕೆಲಸವೊಂದನ್ನು ನಿರ್ವಹಿಸಲು ಕರೆ. ವಾಹನ ದುರಸ್ತಿ ಕೆಲಸಗಾರರಿಗೆ, ಔಷಧ ವ್ಯಾಪಾರಿಗಳಿಗೆ ಲಾಭ. ಪ್ರಾಚೀನ ಪದ್ಧತಿ ಯಿಂದ ದೇಹಾರೋಗ್ಯ ವೃದ್ಧಿ.

ಕುಂಭ: ಒಮ್ಮೊಮ್ಮೆ ಏನು ಮಾಡಿದರೂ ಪ್ರತಿಕೂಲ ಪರಿಣಾಮ. ಹಿರಿಯರ ಆರೋಗ್ಯದಲ್ಲಿ ಎಚ್ಚರ. ಕಮಿಶನ್‌ ಏಜೆಂಟರಿಗೆ, ಲೈನ್‌ ಸೇಲ್ಸ್ ಮಾಡುವವರಿಗೆ ಪೈಪೋಟಿ. ದಸ್ತಾವೇಜು ಬರಹಗಾರರ ವ್ಯವಹಾರ ವೃದ್ಧಿ. ಅನಿರೀಕ್ಷಿತ ಅತಿಥಿ ಸತ್ಕಾರ ಯೋಗ.

ಮೀನ: ಉದ್ಯೋಗಸ್ಥರಿಗೆ ಹೊಸ ವಿಭಾಗದ ಹೊಣೆಗಾರಿಕೆ.ಸಾಮಾಜಿಕ ರಂಗದಿಂದ ಒತ್ತಡ. ಯಂತ್ರೋಪಕರಣ ವ್ಯಾಪಾರಿಗಳಿಗೆ ಅನುಕೂಲದ ದಿನ. ಸಂಸಾರದಲ್ಲಿ ಪ್ರೀತಿ, ಅನುರಾಗ, ವಿಶ್ವಾಸ ವೃದ್ಧಿ. ಸರಕಾರಿ ಇಲಾಖೆಗಳಿಂದ ಸಹಾಯ. ದೇವಿ ದೇವಸ್ಥಾನಕ್ಕೆ ಭೇಟಿ.