Horoscope Today: ಈ ರಾಶಿ ಅವರಿಗಿಂದು ಅನಿರೀಕ್ಷಿತ ಧನಾಗಮವಾಗಲಿದೆ

ಮೇಷ: ಒಂದೇ ಕ್ಷೇತ್ರದಲ್ಲಿ ಶಕ್ತಿಯನ್ಮು ಕೇಂದ್ರೀ ಕರಿಸಿ ಪ್ರಯತ್ನಿಸುವುದರಿಂದ  ಫ‌ಲ ಪ್ರಾಪ್ತಿ.  ಗುರುದರ್ಶನದಿಂದ ಮನಸ್ಸಿಗೆ ಸಮಾಧಾನ. ವ್ಯವಹಾರ ಕ್ಷೇತ್ರ ವಿಸ್ತರಣೆ ಪ್ರಸ್ತಾವ. ಹಿರಿಯರ ಸಲಹೆ ಪಾಲನೆಯಿಂದ ನಷ್ಟ ಯೋಗ ನಿವಾರಣೆ.

ವೃಷಭ: ಖಚಿತವಾದ ನಿರ್ಧಾರಕ್ಕೆ ಬರಲು ಕಷ್ಟಪಡುತ್ತಿದ್ದೀರಿ. ಗುರುಗಳ ಅಥವಾ ಗುರುಸಮಾನರ ಮಾರ್ಗದರ್ಶನದಿಂದ ಸಮಸ್ಯೆ ಪರಿಹಾರ. ಸ್ವಂತ ಉದ್ಯಮಿಗಳಿಗೆ ಶುಭದಿನ.ಉದ್ಯೋಗಸ್ಥರಿಗೆ  ಲಾಭಕರ ಅವಕಾಶಗಳು ಲಭ್ಯ.

ಮಿಥುನ: ಎರಡು ದೋಣಿಗಳಲ್ಲಿ  ಕಾಲಿಡುವ ಸಾಹಸ ಮಾಡುವುದು ಬೇಡ. ಸೇರಿರುವ  ಉದ್ಯೋಗ ಅಥವಾ  ಹಿಡಿದಿರುವ ವ್ಯವಹಾರದಲ್ಲಿ ಪರಿಪೂರ್ಣತೆ  ಹಾಗೂ  ಪ್ರಾಮಾಣಿಕತೆಯನ್ನು  ಕಾಯ್ದುಕೊಂಡರೆ ಯಶಸ್ಸು  ಖಂಡಿತ. ನಿರೀಕ್ಷಿತ ಆದಾಯಕ್ಕೆ ಕೊರತೆಯಾಗದು.

ಕರ್ಕಾಟಕ: ಮನೆಯಲ್ಲಿ ಎಲ್ಲರ ಆರೋಗ್ಯ ತೃಪ್ತಿಕರ. ಉದ್ಯೋಗ  ಕ್ಷೇತ್ರದಲ್ಲಿ ಹೊಸ ಹೊಣೆಗಾರಿಕೆಗಳು ಅನಿವಾರ್ಯವಾಗಿ  ಬರಲಿವೆ.  ಕಟ್ಟಡ ನಿರ್ಮಾಣ ವ್ಯವಹಾರಸ್ಥರಿಗೆ ಮಂದಗತಿಯ ಪ್ರಗತಿ. ವಿವಾಹ ಮಾತುಕತೆಯಲ್ಲಿ  ಮುನ್ನಡೆ.

ಸಿಂಹ: ಒಂದು ಹೆಜ್ಜೆ ಹಿಂದೆ, ಎರಡು ಹೆಜ್ಜೆ ಮುಂದೆ- ಇದು ನಿಮ್ಮ ನಡೆ. ಉದ್ಯೋಗ, ವ್ಯವಹಾರ, ಸಂಸಾರ ಇವೆಲ್ಲ ಕ್ಷೇತ್ರಗಳಲ್ಲೂ  ಪ್ರಚಂಡ ಮುನ್ನಡೆ. ವ್ಯವಹಾರ ವಿಸ್ತರಣೆಗೆ ಒತ್ತಡ.  ಕಾರ್ಯಸಾಧನೆಯಿಂದಾಗಿ ವಿಶೇಷ ಜನಾದರಣೆ.

ಕನ್ಯಾ: ಹಿರಿಯರ ಆರೋಗ್ಯ ಸುಧಾರಣೆ. ಉದ್ಯೋಗ ಕ್ಷೇತ್ರದಲ್ಲಿ ಒತ್ತಡ. ದೈವಾನುಗ್ರಹ ದಿಂದ ವ್ಯವಹಾರದಲ್ಲಿ ಪ್ರಗತಿ. ಅನಿರೀಕ್ಷಿತ ಧನಾಗಮ ಯೋಗ. ವಾಹನ ಖರೀದಿಗೆ ತಯಾರಿ. ಖಾದ್ಯ ಪದಾರ್ಥ ಉದ್ಯಮಿಗಳಿಗೆ ಮುನ್ನಡೆ.

ತುಲಾ: ಉದ್ಯೋಗ ರಂಗದಲ್ಲಿ  ಗಮನಾರ್ಹ ಸಾಧನೆ. ವ್ಯವಹಾರ ಕ್ಷೇತ್ರದಲ್ಲಿ ಅಭೂತಪೂರ್ವ ಲಾಭ. ಹಳೆಯ ಗೆಳೆಯರೊಬ್ಬರ ಭೇಟಿಯಿಂದ ಗತಕಾಲದ ಪ್ರಶ್ನೆಯೊಂದಕ್ಕೆ  ಉತ್ತರ ಲಭ್ಯ. ದಕ್ಷಿಣದಿಂದ ಬರುವ ವ್ಯವಹಾರ ವಿಸ್ತರಣೆ ಪ್ರಸ್ತಾವದಿಂದ ಲಾಭ.

ವೃಶ್ಚಿಕ: ಹಣಕಾಸು ಲೇವಾದೇವಿ ವ್ಯವಹಾರ ದಲ್ಲಿ ಎಚ್ಚರ. ಉದ್ಯೋಗ ಕ್ಷೇತ್ರದಲ್ಲಿ ಕೊಂಚ ಕಿರಿಕಿರಿ. ಹಿರಿಯರ ಆರೋಗ್ಯದ ವಿಷಯದಲ್ಲಿ ಎಚ್ಚರಿಕೆ ವಹಿಸಿರಿ. ಸಾಕುಪ್ರಾಣಿಗಳಿಂದ ದೂರವಿರಿ. ಅಧ್ಯಯನಶೀಲರಿಗೆ ಅನನುಕೂಲದ ವಾತಾವರಣ.

ಧನು: ನಿಧಾನ, ಆದರೆ ಸ್ಥಿರವಾದ ಪ್ರಗತಿ. ದೈಹಿಕ ಆರೋಗ್ಯ ಉತ್ತಮ. ಹೊಸ ವ್ಯವಹಾರ ಕ್ಷೇತ್ರವನ್ನು ಪ್ರವೇಶಿಸುವುದು ಬೇಡ. ಉದ್ಯೋಗ ರಂಗದಲ್ಲಿ ಶಾಂತಿಯ ವಾತಾವರಣ. ವಾಹನ ಚಾಲನೆ ಯಲ್ಲಿ ಎಚ್ಚರ. ಹಳೆಯ ಗೆಳೆಯರ ಭೇಟಿ ಸಂಭವ.

ಮಕರ: ದೇಹಾರೋಗ್ಯ ಉತ್ತಮ.  ಉದ್ಯೋಗ ಕ್ಷೇತ್ರದಲ್ಲಿ ಹೆಚ್ಚು ಜವಾಬ್ದಾರಿ. ಮಕ್ಕಳ ಭವಿಷ್ಯದ ಕುರಿತು ಆತಂಕ. ಸಹೋದ್ಯೋಗಿಗಳಿಂದ ಸಕಾಲಿಕ ಸಹಾಯ. ಪೂರ್ವ ದಿಕ್ಕಿನಲ್ಲಿರುವ ಹಿರಿಯ ಬಂಧುವೊಬ್ಬರಿಂದ ಕಿರಿಕಿರಿ.

ಕುಂಭ: ಸಮಾಜ ಸೇವಾ ಕಾರ್ಯಗಳ ವಿಸ್ತರಣೆಗೆ ಸದವಕಾಶ. ಆರೋಗ್ಯದಲ್ಲಿ ಸಣ್ಣಪುಟ್ಟ ಸಮಸ್ಯೆಗಳಿದ್ದರೂ ನಿಮ್ಮ ಚಟುವಟಿಕೆಗಳಿಗೆ ಕಡಿವಾಣ ಹಾಕಲು ಸಾಧ್ಯವಾಗದು. ಉದ್ಯೋಗ ರಂಗದಲ್ಲಿ ಪಾಲಿಗೆ ಬಂದ ಕಾರ್ಯಗಳ ಯಶಸ್ವೀ ನಿರ್ವಹಣೆ.

ಮೀನ: ದಿನದ ವ್ಯವಹಾರಗಳು ತಕ್ಕಮಟ್ಟಿಗೆ ಸ್ಥಿರವಾಗಿರುತ್ತವೆ. ಉದ್ಯೋಗಸ್ಥರಿಗೆ ಕೆಲಸದ ಸ್ಥಾನದಲ್ಲಿ ಅನುಕೂಲದ ವಾತಾವರಣ. ಪದೋನ್ನತಿ ವಿಳಂಬ. ಹಿರಿಯರ ಆರೋಗ್ಯ ಉತ್ತಮ. ಸರಕಾರಿ ಕಚೇರಿಗಳಿಗೆ ಸಂಬಂಧಪಟ್ಟ ಕೆಲಸಗಳು ನಿಧಾನಗತಿಯಲ್ಲಿ ಸಾಗುತ್ತವೆ. ದವಸ ಧಾನ್ಯ ವ್ಯಾಪಾರಿಗಳಿಗೆ ಲಾಭ. ಮಕ್ಕಳ ವಿದ್ಯಾಭ್ಯಾಸದಲ್ಲಿ ಪ್ರಗತಿ. ಗುರು ಅನುಗ್ರಹ.