Daily Horoscope: ಗಟ್ಟಿ ನಿರ್ಧಾರದಿಂದ ಮುಂದಡಿಯಿಡಿ, ಉದ್ಯೋಗಸ್ಥರಿಗೆ ಸತ್ವಪರೀಕ್ಷೆಯ ಕಾಲ

ಮೇಷ: ಮಧ್ಯಮ ಫಲಗಳ ದಿನ.ಆಪ್ತರಿಂದ ನಿರೀಕ್ಷಿತ ಸಹಾಯ ಕೈಸೇರುವಾಗ ಕೊಂಚ ವಿಳಂಬ. ಉದ್ಯೋಗ ಕ್ಷೇತ್ರದಲ್ಲಿ ತೃಪ್ತಿಕರ ವಾತಾವರಣ. ಸಹೋದ್ಯೋಗಿಗಳಿಂದ ಸಹಾಯ ಲಭ್ಯ. ವಸ್ತ್ರ, ಆಭರಣ ವ್ಯಾಪಾರಿಗಳಿಗೆ ಲಾಭ ಮಧ್ಯಮ.

ವೃಷಭ: ಕಾರ್ಯಕ್ಷೇತ್ರದಲ್ಲಿ ಉತ್ಸಾಹದ ವಾತಾವರಣ. ಉದ್ಯೋಗಸ್ಥರಿಗೆ ಕೆಲಸ ಮಾಡಲು ಮೇಲಿನವರ ಉತ್ತೇಜನ. ಸ್ವಂತ ವ್ಯವಹಾರ ನಡೆಸುವವರಿಗೆ ಸರಕಾರಿ ಇಲಾಖೆಗಳಲ್ಲಿ ಕಾರ್ಯ ಸುಗಮ. ವೈಯಕ್ತಿಕ ಕಾರ್ಯಕ್ಕಾಗಿ ಸಣ್ಣ ಪ್ರಯಾಣದ ಸಾಧ್ಯತೆ.

ಮಿಥುನ: ಗಟ್ಟಿ ನಿರ್ಧಾರದಿಂದ ಮುಂದಡಿಯಿಡಿ. ಸಾಧನ, ಸಲಕರಣೆಗಳು ಸಕಾಲದಲ್ಲಿ ಲಭ್ಯ. ಉದ್ಯೋಗಸ್ಥರಿಗೆ ಸತ್ವಪರೀಕ್ಷೆಯ ಕಾಲ. ಸಹೋದ್ಯೋಗಿಗಳ ಸಹಕಾರ ತೃಪ್ತಿಕರ. ಹೊರಗಿನ ಕೆಲಸಗಳಿಗೆ ಪ್ರತಿಫಲ ವಿಳಂಬ. ಆಪ್ತರಿಂದ ನಿರೀಕ್ಷಿತ ಸಹಾಯ ಲಭ್ಯ.

ಕರ್ಕಾಟಕ: ಹೆಚ್ಚಿನ ಭಾಗ ಶುಭಫಲಗಳಿಗೆ ಮೀಸಲು. ನಿರೀಕ್ಷಿತ ಸಹಾಯಗಳು ಸಮಯಕ್ಕೆ ಸರಿಯಾಗಿ ಕೈಸೇರಿ ನೆಮ್ಮದಿ. ಉದ್ಯೋಗ ಕ್ಷೇತ್ರದಲ್ಲಿ ಹಿತಕರ ವಾತಾವರಣ. ಪಾಲಿಗೆ ಬಂದ ಕೆಲಸಗಳನ್ನು ಕ್ಲಪ್ತ ಸಮಯದಲ್ಲಿ ಮುಗಿಸುವಿರಿ.

ಸಿಂಹ: ಪಾಲುದಾರಿಕೆ ವ್ಯವಹಾರದಲ್ಲಿ ಪಾರ ದರ್ಶಕತೆಯನ್ನು ಕಾಯ್ದುಕೊಳ್ಳಿರಿ. ಕಿರಿಯರು ಆರಂಭಿಸಿರುವ ಸ್ವಂತ ಉದ್ಯಮಕ್ಕೆ ಮಾರ್ಗದರ್ಶನ. ಎಲೆಕ್ಟ್ರಾನಿಕ್ಸ್‌ ಉಪಕರಣ ವ್ಯಾಪಾರಿಗಳಿಗೆ ಸ್ಪರ್ಧೆಯ ಅನುಭವ. ವಿದ್ಯುತ್‌ ಸಾಧನಗಳ ದುರಸ್ತಿಗಾರರಿಗೆ ಕೈತುಂಬಾ ಕೆಲಸ.

ಕನ್ಯಾ: ನಿರೀಕ್ಷಿತ ವೇಗದಲ್ಲಿ ಪ್ರಗತಿ ಇಲ್ಲವಾದರೂ ತೃಪ್ತಿಕರ ಸಾಧನೆ. ಹಿತಕರ ವಾತಾವರಣದಲ್ಲಿ ಉದ್ಯೋಗ ಸಾಧನೆ. ಸರಕಾರಿ ನೌಕರರಿಗೆ ದೂರದ ಪ್ರದೇಶಕ್ಕೆ ವರ್ಗಾವಣೆಯ ಭೀತಿ. ಲೇವಾದೇವಿ ವ್ಯವಹಾರದಾರರಿಗೆ ದೊಡ್ಡ ಪ್ರಮಾಣದ ನಷ್ಟ ಸಂಭವ.

ತುಲಾ: ಆತಂಕಗೊಂಡ ಹಿರಿಯರಿಗೆ ಸಾಂತ್ವನ ಹೇಳಿದ ಸಮಾಧಾನ. ಉದ್ಯೋಗ ಕ್ಷೇತ್ರದಲ್ಲಿ ಪ್ರತಿಭೆ ಪ್ರದರ್ಶನದಿಂದ ಸಹೋದ್ಯೋಗಿಗಳಿಗೆ ಹರ್ಷ. ಮೇಲಿನವರಿಂದ ಉತ್ತೇಜನ. ಆಭರಣ ತಯಾರಿ, ಕುಂಭಕಲೆ ಮೊದಲಾದ ಕುಶಲಕರ್ಮಿಗಳಿಗೆ ಕೈತುಂಬಾ ಕೆಲಸ.

ವೃಶ್ಚಿಕ: ದುಡುಕಿನ ನಿರ್ಧಾರಗಳನ್ನು ತೆಗೆದು ಕೊಳ್ಳಬೇಡಿ. ತಾತ್ಕಾಲಿಕ ಹಿನ್ನಡೆಯಂತೆ ಕಂಡರೂ ಕೊನೆಯಲ್ಲಿ ಯಶಸ್ಸು ನಿಶ್ಚಿತ. ಗೃಹೋಪಯೋಗಿ ಸಾಮಗ್ರಿ ವಿತರಕರಿಗೆ ಲಾಭ. ಕಟ್ಟಡ ನಿರ್ಮಾಣ ನೌಕರರಿಗೆ ಆದಾಯ ಹೆಚ್ಚಳ. ಕುಶಲಕರ್ಮಿಗಳ ಉತ್ಪನ್ನಗಳಿಗೆ ಬೇಡಿಕೆ ಏರಿಕೆ.

ಧನು: ಉದ್ಯೋಗ ಕ್ಷೇತ್ರದಲ್ಲಿ ಉತ್ತಮ ಸಾಧನೆ. ಮೇಲಧಿಕಾರಿಗಳಿಂದ ಪ್ರಶಂಸೆ. ಸರಕಾರಿ ನೌಕರರಿಗೆ ಹೆಚ್ಚುವರಿ ಕೆಲಸದ ಒತ್ತಡ. ಕೆಲಸದ ಉದ್ದೇಶಕ್ಕಾಗಿ ಸಣ್ಣ ಪ್ರವಾಸ ಸಂಭವ. ಆಪ್ತ ಸಲಹೆಯ ಮೂಲಕ ಹಳೆಯ ಸಮಸ್ಯೆ ನಿವಾರಣೆ.

ಮಕರ: ಮನೆಯಲ್ಲಿ ಎಲ್ಲರ ಆರೋಗ್ಯ ತಕ್ಕಮಟ್ಟಿಗೆ ಉತ್ತಮ. ಉದ್ಯೋಗ ಕ್ಷೇತ್ರದಲ್ಲಿ ಹೆಚ್ಚುವರಿ ಜವಾಬ್ದಾರಿ.ಮಕ್ಕಳ ಭವಿಷ್ಯದ ಕುರಿತು ಆತಂಕ. ಸ್ವಂತದ ಆರೋಗ್ಯದ ಕಡೆಗೆ ಗಮನವಿರಲಿ. ವ್ಯವಹಾರ ಕ್ಷೇತ್ರದ ಹಳೆಯ ಸಮಸ್ಯೆಗೆ ಪರಿಹಾರ.

ಕುಂಭ: ಪಾಲುದಾರಿಕೆ ವ್ಯವಹಾರದಲ್ಲಿ ಮಧ್ಯಮ ಲಾಭ. ಉಳಿದಂತೆ ಆದಾಯ ತೃಪ್ತಿಕರ. ಉದ್ಯೋಗಸ್ಥರಿಗೆ ಹೆಚ್ಚುವರಿ ಹೊಣೆಗಾರಿಕೆ. ಪ್ರೀತಿಪಾತ್ರರಿಗೆ ಸಹಾಯ ಮಾಡುವ ಅವಕಾಶ. ಕುಟುಂಬದ ಹಿರಿಯರ ದರ್ಶನ. ಸಮಾಜ ಸೇವೆಗೆ ಹೆಚ್ಚಿನ ಅವಕಾಶ ಲಭ್ಯ.

ಮೀನ: ತಾಳ್ಮೆ, ವಿನಯಗಳಿಂದ ಕಾರ್ಯಸಾಧನೆ. ಉದ್ಯೋಗ ಕ್ಷೇತ್ರದಲ್ಲಿ ಸ್ಥಿರ ಪರಿಸ್ಥಿತಿ. ಸರಕಾರಿ ಕಾರ್ಯಾಲಯಗಳಲ್ಲಿ ಕಾರ್ಯ ಸಲೀಸು. ಆದಾಯ ತೃಪ್ತಿಕರ. ಸಹಚರರಿಗೋಸ್ಕರ ಕಾರ್ಯವ್ಯಾಪ್ತಿ ವಿಸ್ತರಣೆ. ಸಮಾಜದ ಕಡೆಯಿಂದ ಹೆಚ್ಚು ಅಪೇಕ್ಷೆ. ಗುರುಸೇವೆ, ದೇವತಾರಾಧನೆಯಲ್ಲಿ ಆಸಕ್ತಿ. ಹಿರಿಯರು, ಗೃಹಿಣಿಯರು, ಮಕ್ಕಳ ಆರೋಗ್ಯ ತೃಪ್ತಿಕರ.