Daily Horoscope: ಕೆಲವು ಗೊಂದಲಗಳ ಬಳಿಕ ಸಮಾಧಾನದ ಕ್ಷಣಗಳು, ಅನಿರೀಕ್ಷಿತವಾಗಿ ಗುರುದರ್ಶನ

ಮೇಷ: ಶಿಸ್ತಿನ ಜೀವಕ್ಕೆ ಹೊರೆಯಾಗದ ಕೆಲಸಗಳು. ವಿರಾಮದ ದಿನವಾದರೂ ಕೆಲಸ, ವ್ಯವಹಾರಗಳ ಚಿಂತೆ. ವ್ಯವಹಾರ ಕ್ಷೇತ್ರ ವಿಸ್ತರಣೆಗೆ ಚಿಂತನೆ. ಬಂಧುಮಿತ್ರರ ಆಗಮನ. ಆಸ್ತಿ ಖರೀದಿ ಮಾತುಕತೆ ಅಂತಿಮ ಹಂತದಲ್ಲಿ. ಸೋದರಿಯ ಮನೆಯಲ್ಲಿ ಶುಭ ಕಾರ್ಯಕ್ರಮ.

ವೃಷಭ: ಆನಂದೋತ್ಸಾಹಗಳ ದಿನ. ಮುಂದಿನ ವಾರ ಹೆಚ್ಚು ಮುನ್ನಡೆ ಸಾಧಿಸುವ ಸಂಕಲ್ಪದೊಂದಿಗೆ ದಿನದ ಆರಂಭ. ಹಳೆಯ ಒಡನಾಡಿಗಳ ಭೇಟಿ. ಹತ್ತಿರದ ದೇವಾಲಯ ದರ್ಶನ. ಬಂಧುವರ್ಗದಲ್ಲಿ ವಿವಾಹ ಮಾತುಕತೆ. ಕೃಷಿಕರಿಗೆ ಹೊಸ ಮಾಹಿತಿ ಲಭ್ಯ.

ಮಿಥುನ: ಕೆಲವು ಗೊಂದಲಗಳ ಬಳಿಕ ಸಮಾಧಾನದ ಕ್ಷಣಗಳು. ಮನೆಯಲ್ಲಿ ಸಣ್ಣ ಮಟ್ಟಿನ ದೇವತಾರಾಧನೆ. ಅನಿರೀಕ್ಷಿತವಾಗಿ ಗುರುದರ್ಶನ. ಕಿರಿಯರ ಕ್ಷೇಮ ಚಿಂತನೆ. ತೋಟಗಾರಿಕೆಯಲ್ಲಿ ಕಾಲ ಯಾಪನೆ. ಸಾಹಿತ್ಯಾಧ್ಯಯನ, ಧ್ಯಾನ, ಜಪ, ಸತ್ಸಂಗದಲ್ಲಿ ಪಾಲುಗೊಳ್ಳುವ ಅವಕಾಶ.

ಕರ್ಕಾಟಕ: ವಿರಾಮದ ದಿನವಾದರೂ ಕಾರ್ಯ ಸಾಮರ್ಥ್ಯವನ್ನು ವೃದ್ಧಿಗೊಳಿಸುವ ಪ್ರಯತ್ನ. ಮಾರ್ಗದರ್ಶಿ ಪುಸ್ತಕಗಳ ಓದು. ಕಾಲದ ಸದುಪಯೋಗಕ್ಕಾಗಿ ಗೃಹಾಲಂಕಾರದತ್ತ ಗಮನ. ಗುರು ಸಾನ್ನಿಧ್ಯದಲ್ಲಿ ಶಾಸ್ತ್ರಕೋವಿದರ ದರ್ಶನದಿಂದ ಸಾರ್ಥಕ್ಯದ ಭಾವ.

ಸಿಂಹ: ಆರಾಮದಲ್ಲಿ ಕಾಲಕಳೆಯುತ್ತಿರುವಂತೆ ಕಂಡರೂ ಕ್ರಿಯಾಶೀಲ ಮನಸ್ಸು ಕಾರ್ಯನಿರತ. ನಾಳೆಯ ಕಾರ್ಯಗಳ ಶಿಸ್ತುಬದ್ಧ ಆಯೋಜನೆ. ಮನೆಗೆ ಬಂದ ಅತಿಥಿಗಳಿಗೆ ಯಥೋಚಿತ ಸತ್ಕಾರ. ಸಾಮಾಜಿಕ ಕಾರ್ಯಕ್ರಮದಲ್ಲಿ ಪಾಲುಗೊಳ್ಳುವ ಅವಕಾಶ.

ಕನ್ಯಾ: ಕುಟುಂಬದ ಹುಡುಗನಿಗೋಸ್ಕರ ಕನ್ಯಾ ವೀಕ್ಷಣೆ. ಅಪರೂಪದ ಬಂಧು ದರ್ಶನ. ರಾಜಕೀಯ ಸಭೆಯಲ್ಲಿ ಪಾಲುಗೊಂಡದ್ದಕ್ಕೆ ಪಶ್ಚಾತ್ತಾಪ. ಸಾಮಾಜಿಕ ಸಮಸ್ಯೆ ಪರಿಹಾರಕ್ಕೆ ವಿಫ‌ಲ ಚರ್ಚೆ. ಹಿರಿಯರ ಆರೋಗ್ಯದ ಕಡೆಗೆ ಗಮನವಿರಲಿ.

ತುಲಾ: ಸಂಸಾರ ಸಹಿತ ಗುರುಮಠ, ದೇವಾಲಯಕ್ಕೆ ಭೇಟಿ. ಅನಿರೀಕ್ಷಿತವಾಗಿ ಭೇಟಿಯಾದ ಹಿರಿಯರ ಹಿತವಚನ ಪಾಲನೆಯಿಂದ ವ್ಯವಹಾರದಲ್ಲಿ ಲಾಭದ ಸೂಚನೆ. ಮಕ್ಕಳಲ್ಲಿ ಕಲಾಭಿರುಚಿ ಬೆಳೆಸಲು ಪರಿಣತರ ಮಾರ್ಗದರ್ಶನ. ತೋಟ ಗಾರಿಕೆಯಲ್ಲಿ ಕಾಲಯಾಪನೆ ಮಾಡುವವರಿಗೆ ಒಳ್ಳೆಯ ಅವಕಾಶ.

ವೃಶ್ಚಿಕ: ಮನೆಯಲ್ಲಿ ಲವಲವಿಕೆಯ ವಾತಾವರಣ. ಬಂಧುಗಳಿಂದ ಹರ್ಷದ ವಾರ್ತೆ ಲಭ್ಯ. ನೆರೆಮನೆಯವರ ಸಂತೋಷ ಆಚರಣೆಯಲ್ಲಿ ಪಾಲುಗೊಳ್ಳಲು ಆಹ್ವಾನ. ಕುಟುಂಬದಲ್ಲಿ ಅಪರೂಪದ ಶಿಶುಜನನದಿಂದ ಆನಂದ. ಹತ್ತಿರದ ದೇವಾಲಯಕ್ಕೆ ಭೇಟಿ.

ಧನು: ವಿರಾಮದ ಅನುಭವ ಪಡೆಯುವ ಮನಸ್ಸಿದ್ದರೂ ಕರ್ತವ್ಯದ ಅನಿವಾರ್ಯತೆ. ಕುಟುಂಬದ ಪುರೋಭಿವೃದ್ಧಿಗೋಸ್ಕರ ನಿಲ್ಲದ ಶ್ರಮ. ಸಾರ್ವಜನಿಕ ಸೌಲಭ್ಯಗಳ ಸದುಪಯೋಗಕ್ಕೆ ಮಾಡುವ ಪ್ರಯತ್ನಕ್ಕೂ ಹಿತಶತ್ರುಗಳ ಅಡ್ಡಗಾಲು.

ಮಕರ: ವಿರಾಮದ ಪೂರ್ಣ ಅನುಭವ ಪಡೆಯುವ ಪ್ರಯತ್ನ. ಸಹೋದ್ಯೋಗಿಗಳೊಂದಿಗೆ ಸಂತೋಷ ಆಚರಣೆ. ಸರಕಾರಿ ನೌಕರರಿಗೆ ಹರ್ಷಾನುಭವ. ವಸ್ತ್ರ, ಸಿದ್ಧ ಉಡುಪು, ಪಾದರಕ್ಷೆ, ಅಲಂಕಾರ ಸಾಮಗ್ರಿ ವ್ಯಾಪಾರಿಗಳಿಗೆ ದೊಡ್ಡ ಪ್ರಮಾಣದಲ್ಲಿ ಲಾಭ.

ಕುಂಭ: ಸಮಾಜದ ಕ್ಷೇಮ ಚಿಂತನೆ. ಸೇವಾ ಕಾರ್ಯಗಳಲ್ಲಿ ಪಾಲುಗೊಳ್ಳುವ ತವಕ. ವ್ಯಾಪಾರಕ್ಕೆ ಬಿಡುವಿದ್ದರೂ ನಾಳೆಯ ವ್ಯವಹಾರಕ್ಕೆ ಮನೆಯÇÉೇ ಸಿದ್ಧತೆ. ದೂರದಲ್ಲಿರುವ ಬಂಧುಗಳಿಂದ ಶುಭವಾರ್ತೆ. ಧಾರ್ಮಿಕ ಕ್ಷೇತ್ರದ ಪುರೋಭಿವೃದ್ಧಿ ಚಿಂತನೆ.

ಮೀನ: ಕಾರ್ಯಗಳು ಸಫ‌ಲವಾಗಿ ಧನ್ಯತೆಯ ಭಾವ. ನಾಳೆಯ ಕಾರ್ಯಗಳ ಆಯೋಜನೆಗೆ ಸಮಯ ನೀಡುವ ಅನಿವಾರ್ಯತೆ. ಗುರುಸ್ಥಾನದಿಂದ ಬಂದ ಕರೆಗೆ ಸ್ಪಂದಿಸುವ ಸಿದ್ಧತೆ. ಪತಿ ಅಥವಾ ಪತ್ನಿಯ ಕುಟುಂಬದಲ್ಲಿ ಶುಭ ಕಾರ್ಯಕ್ಕೆ ಆಹ್ವಾನ. ತಾಯಿಯ ಆರೋಗ್ಯ ಸುಧಾರಣೆ. ಸಾಮಾಜಿಕ ಕಾರ್ಯದ ನೇತೃತ್ವ ಪಾಲನೆಯಲ್ಲಿ ಯಶಸ್ವಿಯಾಗುವಿರಿ.