ಇಂದಿನ ಗ್ರಹಬಲ: ಗೃಹಿಣಿಗೆ ಮುನಿಸು ತಣಿಸಲು ಗೃಹಾಲಂಕಾರ ವಸ್ತುಗಳ ಖರೀದಿ ಇದ್ದೀತು!

13-03-2021

ಮೇಷ: ಅಧೈರ್ಯದ ಹೆಜ್ಜೆಯಿಂದ ಕಾರ್ಯ ವಿಪತ್ತು ಕಾಣಿಸಲಿದೆ. ಕಾರ್ಯರಂಗದಲ್ಲಿ ಸ್ವಾಭಿಮಾನವನ್ನು ಬದಿಗೊತ್ತಿ ಧೈರ್ಯದಿಂದ ಮುಂದುವರಿಯಿರಿ. ಸಾಧಕವಾಗಲಿದೆ. ಧನಾಗಮನದಲ್ಲಿ ವಿಳಂಬವಾದರೂ ಸಾಕಷ್ಟು ಧನಪ್ರಾಪ್ತಿ ಇದೆ.

ವೃಷಭ: ಕೌಟುಂಬಿಕವಾಗಿ ಮನಸ್ಸಿಗೆ ಸಮಾಧಾನವಿರದು. ಸ್ವಲ್ಪ ಸಾವಧಾನದಿಂದ ಆಲೋಚಿಸಿ ಮುನ್ನಡೆದರೆ ಉತ್ತಮ. ದಾಯಾದಿಗಳ ಕಿರುಕುಳವು ಕಂಡುಬಂದೀತು. ಸ್ತ್ರೀ ನಿಮಿತ್ತ ಸ್ವಲ್ಪ ಅಸೌಖ್ಯ ಕಂಡುಬಂದೀತು. ಜಾಗ್ರತೆ ಇರಲಿ.

ಮಿಥುನ: ದಾಂಪತ್ಯ ಜೀವನದಲ್ಲಿ ಆಗಾಗ ಸಿಹಿ ಮಧ್ಯೆ ಖಾರ ಸವಿಯುವ ಪ್ರಸಂಗ ಬರಬಹುದು. ಮಕ್ಕಳ, ವಿದ್ಯಾರ್ಥಿಗಳ ಪ್ರಗತಿಯಲ್ಲಿ ಮುನ್ನಡೆ ಕಂಡುಬರುವುದು. ತಾತ್ಕಾಲಿಕ ಹುದ್ದೆಯವರಿಗೆ ಖಾಯಂ ಆಗುವ ಸಾಧ್ಯತೆ ಇರುತ್ತದೆ.

ಕರ್ಕ: ಹೈನು, ಕೃಷಿ, ಗುಡಿಕೈಗಾರಿಕೆ, ಕುಂಬಾರ ವೃತ್ತಿಯವರಿಗೆ ಆಶಾದಾಯಕ ದಿನಗಳಿವು. ಹಾಗೇ ಅವಿವಾಹಿತರಿಗೆ ಮಾಂಗಲ್ಯಭಾಗ್ಯ ಒದಗಿ ಬರಲಿದೆ. ಕಠಿಣ ದುಡಿಮೆ ತಕ್ಕ ರೀತಿಯಲ್ಲಿ ಫ‌ಲವು ಕಂಡುಬರುವುದು.

ಸಿಂಹ: ದೈವಾನುಗ್ರಹ ಇಲ್ಲವಾದರೂ ಪ್ರಯತ್ನ ಬಲದಿಂದ ಕೆಲಸವು ಫ‌ಲಿಸಲಿದೆ. ನೆಮ್ಮದಿ ಕಡಿಮೆ ಇದ್ದರೂ ಆರ್ಥಿಕವಾಗಿ ಚಿಂತೆ ಇರದು. ಕೃಷಿಕರ ಕಾದು ನೋಡುವ ಪ್ರವೃತ್ತಿ ಲಾಭ ತರಲಿದೆ. ವೈದ್ಯಕೀಯ ವೆಚ್ಚ ಹೆಚ್ಚಾಗಲಿದೆ.

ಕನ್ಯಾ: ದೇವತಾ ಕಾರ್ಯದಿಂದ ಮನಸ್ಸಿಗೆ ಸಂತಸವಾಗಲಿದೆ. ವಿದ್ಯಾರ್ಥಿಗಳಿಗೆ ತೊಡಕುಗಳು ಕಾಣಿಸಿಕೊಂಡರೂ ಫ‌ಲಿತಾಂಶವು ಉತ್ತಮ ದೊರಕಲಿದೆ. ಗೃಹಿಣಿಗೆ ಮುನಿಸು ತಣಿಸಲು ಗೃಹಾಲಂಕಾರ ವಸ್ತುಗಳ ಖರೀದಿ ಇದ್ದೀತು.

ತುಲಾ:ಗೃಹದಲ್ಲಿ ಇಷ್ಟಮಿತ್ರ ಬಂಧುಗಳ ಆಗಮನದಿಂದ ಸಂತೋಷ, ಸಮಾಧಾನ ಮೂಡಿಬರಲಿದೆ. ಶುಭಮಂಗಲ ಕಾರ್ಯದ ಚಿಂತನೆ ನಡೆದೀತು. ಉದ್ಯಮಿಗಳಿಗೆ ಸರಕಾರೀ ಅಧಿಕಾರಿಗಳ ಕಿರುಕುಳವು ಕಂಡುಬಂದೀತು.

ವೃಶ್ಚಿಕ: ಮನದ ಮೂಲೆಯಲ್ಲಿ ಆಳವಾದ ವ್ಯಸನವೊಂದು ಆಗಾಗ ಕಿರಿಕಿರಿ ತಂದೀತು. ಆರ್ಥಿಕವಾಗಿ ಹೆಚ್ಚಿನ ತಾಪತ್ರಯವು ಇರದು. ಹಲವು ತೊಂದರೆಗಳ ನಡುವೆ ಮೊಂಡು ಧೈರ್ಯದಿಂದ ಕಾರ್ಯಸಾಧನೆಯಾಗಲಿದೆ.

ಧನು: ಆತ್ಮೀಯ ಮಿತ್ರರ ಸಹಕಾರವು ದೊರಕಲಿದೆ. ಇದರಿಂದ ಮುನ್ನಡೆಗೆ ಸಾಧಕವಾದೀತು. ಅವಿವಾಹಿತರು ನಿರುದ್ಯೋಗಿಗಳಿಗೆ ಸ್ವಲ್ಪ ಕಾಲಾವಕಾಶವು ಬೇಕಾದರೂ ಉತ್ತಮ ಫ‌ಲಿತಾಂಶ ದೊರಕಲಿದೆ. ಕಿರು ಸಂಚಾರವಿದೆ.

ಮಕರ: ಕಾರ್ಯರಂಗದಲ್ಲಿ ನೂತನ ವೃತ್ತಿ ಯಾ ಹೊಸ ಸಂಬಂಧ ಕುದುರೀತು. ಕೋರ್ಟುಕಚೇರಿ ವಿವಾದಗಳಿಗೆ ನಿಮ್ಮ ಪರ ಜಯ ದೊರಕಲಿದೆ. ನೂತನ ದಂಪತಿಗಳಿಗೆ ಸಂತಾನಭಾಗ್ಯದ ಕುರುಹು ದೊರಕಿ ಸಂತಸವಾಗಲಿದೆ.

ಕುಂಭ: ನಿಮಗೆ ಸಾಕಷ್ಟು ಧನಾಗಮನವಿದ್ದರೂ ನಿಮ್ಮತನವನ್ನು ಮರೆಯಲೆಂದು ಹಲವು ಖರ್ಚುವೆಚ್ಚ ಗಳನ್ನು ಭರಿಸುವಿರಿ. ವಿದ್ಯಾಕ್ಷೇತ್ರದಲ್ಲಿ ವಿದ್ಯಾರ್ಥಿಗಳಿಗೆ ಮುನ್ನಡೆ, ನಿರುದ್ಯೋಗಿಗಳಿಗೆ ಉದ್ಯೋಗ ಲಾಭವಿದ್ದು ಸಮಾಧಾನವಾದೀತು.

ಮೀನ: ಸದ್ಯದ ಪರಿಸ್ಥಿತಿಯಲ್ಲಿ ಕಾದು ನೋಡುವ ಪ್ರಸಂಗ ಎದುರಾಗಲಿದೆ. ಕಾರ್ಯರಂಗದಲ್ಲಿ ನೂತನ ಮೈತ್ರಿ ಯಾ ಹೊಸ ಸಂಬಂಧ ಕುದುರೀತು. ಕೋರ್ಟು ವಾದ ವಿವಾದಗಳಿಗೆ ನಿಮ್ಮ ಪರ ಚಾಲನೆಯು ದೊರಕಲಿದೆ.

ಎನ್.ಎಸ್. ಭಟ್‌