ಶಿಲ್ಪಿ ರಾಘವೇಂದ್ರ ಆಚಾರ್ಯ ಅವರಿಗೆ ವಿದ್ಯಾರತ್ನ ಗೌರವ ಡಾಕ್ಟರೇಟ್‌ ಪದವಿ

ಕಟಪಾಡಿ: ಕುಂಜಾರುಗಿರಿಯ ಶಿಲ್ಪಿ ರಾಘವೇಂದ್ರ ಆಚಾರ್ಯ ಅವರಿಗೆ ವಿದ್ಯಾರತ್ನ ಗೌರವ ಡಾಕ್ಟರೇಟ್‌ ಪದವಿಯ ಪುರಸ್ಕಾರ ಲಭಿಸಿದೆ.

ಮೂಲತಃ ಉಡುಪಿ ಜಿಲ್ಲೆಯ ಕುರ್ಕಾಲು ಗ್ರಾಮದ ಕುಂಜಾರುಗಿರಿಯ ಶಿಲ್ಪಿ ರಾಘವೇಂದ್ರ ಆಚಾರ್ಯ ಸ್ವರ್ಣಶಿಲ್ಪಿಯಾಗಿದ್ದು, ಹಲವಾರು ದೈವ-ದೇವಾಲಯಗಳ ರಥ, ಗುಡಿ, ಗೋಪುರಗಳ ಸಹಿತ ಇತರೇ ಬಹಳಷ್ಟು ನಾಜೂಕು ಕೆಲಸವಾದ ಕುಸುರಿ (ಬೊಟ್ಟಣಿಗೆ)ಯ ಕೆಲಸವನ್ನು ಮಾಡುತ್ತಿದ್ದು, ಆಸ್ತಿಕರು, ಕಲಾಸಕ್ತರು ಈ ಕಲಾ ವೈಭವಕ್ಕೆ ಗಮನಸೆಳೆಯುವ ಮೂಲಕ ಈ ಗೌರವ ಡಾಕ್ಟರೇಟ್‌ ಪದವಿಗೆ ಪಾತ್ರರಾಗಿರುತ್ತಾರೆ.

ನವದೆಹಲಿ ಕಾತ್ಯಾಯಿನಿ ಶಕ್ತಿಪೀಠ ಆಡಿಟೋರಿಯಂನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಕೋಲ್ಕತ್ತಾ ಇಂಡಿಯನ್‌ ಇನ್‌ಸ್ಟಿಟ್ಯೂಟ್‌ ಆಫ್‌ ಓರಿಯೆಂಟಲ್‌ ಹೆರಿಟೇಜ್‌ ಓಪನ್‌ ಯುನಿವರ್ಸಿಟಿ ಆಫ್‌ ಓರಿಯೆಂಟಲ್‌ ಆ್ಯಂಡ್‌ ರೀಸರ್ಚ್‌ ಸಂಸ್ಥೆಯು ಅವರಿಗೆ ಈ ವಿದ್ಯಾರತ್ನ ಗೌರವ ಡಾಕ್ಟರೇಟ್‌ ಪದವಿ ನೀಡಿ ಗೌರವಿಸಿತು.