Advertisement
ಮನೆಗೊಗಿ ಅಪ್‌ಲೋಡ್‌ ಮಾಡಿದರಾಯಿತು ಅಂದುಕೊಂಡು, ಬೈಕ್ ಹತ್ತಿರ ಬಂದು ಇಗ್ನೇಶನ್ನೊಳಗೆ ಕೀ ಹಾಕಿದರೆ ಹೋಗುತ್ತಿಲ್ಲ. ಏನಾಗಿದೆ ಎಂದು ನೋಡಿದರೆ, ಇಗ್ನೇಶನ್‌ ಲಾಕ್‌ ಆಗಿದೆ. ಎಷ್ಟೇ ಪ್ರಯತ್ನ ಪಟ್ಟರೂ, ಲಾಕ್‌ ತೆಗೆಯಲು ಆಗಲಿಲ್ಲ. ಯಾರಿಗಾದರೂ ಫೋನ್‌ ಮಾಡೋಣ ಅಂದುಕೊಂಡರೆ, ಅಲ್ಲಿ ನೆಟ್ ವರ್ಕ್ ಸಿಗುತ್ತಿಲ್ಲ. ಅವನ ದುರದೃಷ್ಟಕ್ಕೆ, ಸುಮಾರು ಐದಾರು ತಾಸು ಕಾದರೂ ಆವೊತ್ತು ಯಾವೊಬ್ಬ ದಾರಿಹೋಕರ ಸುಳಿವಿಲ್ಲ. ಕಡೆಗೆ, ಇಳಿಸಂಜೆಯಲಿ ಟಾಟಾ ಏಸ್‌ ವಾಹನವೊಂದು ಬಂದಾಗ, ತುಂಬಾ ಖುಷಿಗೊಂಡು ಡ್ರೈವರ್‌ ಬಳಿ ಎಲ್ಲಾ ವಿಷಯ ಹೇಳಿದ್ದಾನೆ. ಡ್ರೈವರ್‌ ಸಹ ಸಾಕಷ್ಟು ಪ್ರಯತ್ನಿಸಿದರೂ ಲಾಕ್‌ ಓಪನ್‌ ಆಗಲೇ ಇಲ್ಲ. “ಸಾರ್‌, ಇನ್ನೊಂದ್‌ ಸ್ವಲ್ಪಹೊತ್ತು ಇಲ್ಲಿಯೇ ಇದ್ದರೆ, ಕರಡಿಗಳು ಬಂದು ನಿಮ್ಮ ಬೈಕ್ ಲಾಕ್‌ ಓಪನ್‌ ಮಾಡುತ್ತವೆ, ಇಲ್ಲಿ ಕರಡಿಗಳ ಕಾಟ ಜಾಸ್ತಿ. ಬನ್ನಿ, ನಮ್ಮ ಗಾಡಿ ಮೇಲೆ ಬೈಕ್ ಹಾಕ್ಕೊಂಡು ಹೋಗೋಣ’ ಎಂದಾಗ, ಟಾಟಾ ಏಸ್‌ಮೇಲೆ ಬೈಕ್
ಹೇರಿಕೊಂಡು ಬಂದು ನಮ್ಮ ಮನೆಯ ಮುಂದೆ ನಿಲ್ಲಿಸಿದ.