Advertisement
ಆರಂಭದಲ್ಲಿ 1500 ರೂ. ಠೇವಣಿ ಇರಿಸಿ “ಜಿಯೋ ಫೋನ್‌’ ಪಡೆಯುವ ಗ್ರಾಹಕರು, ಜೀವಮಾನವಿಡೀ ಉಚಿತ ವಾಯ್ಸ ಕಾಲ್‌, ಉಚಿತ ಎಸ್‌ಎಂಎಸ್‌ ಸೌಲಭ್ಯ ಪಡೆಯಲಿದ್ದಾರೆ. ಮೂರು ವರ್ಷ ನಂತರ ಈ ಫೋನ್‌ ವಾಪಸ್‌ ಕೊಟ್ಟರೆ 1500 ರೂ. ಠೇವಣಿ ಹಣವನ್ನು ಸಂಸ್ಥೆ ವಾಪಸ್‌ ನೀಡಲಿದೆ. ಹೀಗಾಗಿ ಗ್ರಾಹಕರು ವಾಸ್ತವದಲ್ಲಿ ಶೂನ್ಯ ಬೆಲೆಗೆ ಫೋನ್‌ ಖರೀದಿಸಿದಂತಾಗುತ್ತದೆ.
ಜಿಯೋ ಫೋನ್‌ ಉಚಿತವಾಗಿದ್ದು, ಗ್ರಾಹಕರು 1,500 ರೂ. ಠೇವಣಿ ಇರಿಸಬೇಕು (3 ವರ್ಷದ ನಂತರ ಫೋನ್‌ ಮರಳಿಸಿದರೆ ಠೇವಣಿ ಹಣ ವಾಪಸ್‌)
Related Articles
Advertisement
ಆ.24ರಿಂದ ಮುಂಗಡ ಬುಕಿಂಗ್‌ ಆರಂಭವಾಗಲಿದ್ದು, ಸೆಪ್ಟಂಬರ್‌ ತಿಂಗಳಿ ನಿಂದ ಮೊದಲು ಬಂದವರಿಗೆ ಆದ್ಯತೆ ಮೇರೆಗೆ ಜಿಯೋ ಫೋನ್‌ ಸಿಗಲಿದೆ.
ಜಿಯೋ ಫೋನ್‌ ಇಂಟರ್‌ನೆಟ್‌ ಸಂಪರ್ಕದೊಂದಿಗೆ ಬರಲಿದ್ದು, 22 ಭಾರತೀಯ ಭಾಷೆಗಳು ಮತ್ತು ವಾಯ್ಸ ಕಮಾಂಡ್‌ಗೆ ಫೋನ್‌ ಬೆಂಬಲಿಸುತ್ತದೆ.
ಜಿಯೋ ಟೀವಿ, ಜಿಯೋ ಮೂವೀಸ್‌ ಸೇರಿದಂತೆ ಎಲ್ಲ ಜಿಯೋ ಸೇವೆಗಳು ಫೋನ್‌ನಲ್ಲಿ ಇರಲಿವೆ.
ಟೆಲಿಕಾಂ ಕಂಪೆನಿಗಳಿಗೆ ಶಾಕ್‌; ಸೆನ್ಸೆಕ್ಸ್‌ ಏರಿಕೆರಿಲಯನ್ಸ್ ಕಂಪೆನಿಯ ತ್ತೈಮಾಸಿಕ ಆದಾಯದಲ್ಲಾದ ಹೆಚ್ಚಳ, ಶೂನ್ಯ ಬೆಲೆಗೆ ಮೊಬೈಲ್‌ ಬಿಡುಗಡೆ, ಪ್ರತಿ ಷೇರಿಗೂ ಒಂದು ಬೋನಸ್‌ ಷೇರು ಘೋಷಣೆ… ಇವೆಲ್ಲವೂ ಮುಂಬಯಿ ಷೇರುಪೇಟೆ ಮೇಲೆ ಸಕಾರಾತ್ಮಕ ಪರಿಣಾಮ ಬೀರಿದೆ. ಶುಕ್ರವಾರ ಮುಂಬಯಿ ಷೇರುಪೇಟೆ ಸಂವೇದಿ ಸೂಚ್ಯಂಕ 124 ಅಂಕ ಏರಿಕೆಯಾದರೆ, ನಿಫ್ಟಿ 41 ಅಂಕ ಏರಿಕೆ ದಾಖಲಿಸಿದೆ. ಇದರಲ್ಲಿ ರಿಲಯನ್ಸ್‌ ಷೇರುಗಳ ಕೊಡುಗೆಯೇ ಶೇ.3.76ರಷ್ಟಿತ್ತು. ಇನ್ನೊಂದೆಡೆ, ರಿಲಯನ್ಸ್‌ನ ಈ ಅಲೆಗೆ ಉಳಿದ ಟೆಲಿಕಾಂ ಕಂಪೆನಿಗಳು ತರಗೆಲೆಗಳಂತಾಗಿವೆ. ಭಾರ್ತಿ ಏರ್‌ಟೆಲ್‌ ಷೇರುಗಳು ಶೇ.2.05ರಷ್ಟು ಕುಸಿತ ದಾಖಲಿಸಿದೆ. ಜಿಯೋ ಸಿಮ್‌ನಿಂದ ತೀವ್ರ ಒತ್ತಡಕ್ಕೊಳಗಾಗಿರುವ ಟೆಲಿಕಾಂ ಕಂಪೆನಿಗಳಿಗೆ ಹೊಸ ಮೊಬೈಲ್‌ ಬಿಡುಗಡೆ ಮತ್ತಷ್ಟು ಆಘಾತ ನೀಡಿದೆ. ಜಿಯೋ ಫೋನ್‌ ಮತ್ತು ಟಿವಿಯಿಂದಾಗಿ ಕೇಬಲ್‌ ಟಿವಿ ಉದ್ಯಮಕ್ಕೆ ಭಾರೀ ಹೊಡೆತ ಬೀಳಲಿದೆ. ಏಕೆಂದರೆ, ಜಿಯೋ ಫೋನ್‌ನಲ್ಲಿ ಟಿವಿ ಕೇಬಲ್‌ ಎಂಬ ಹೊಸ ಫೀಚರ್‌ ನೀಡಿರುವುದರಿಂದ ಅದನ್ನು ಮನೆಯಲ್ಲಿ ಯಾವುದೇ ಟಿವಿಗೆ ಅಳವಡಿಸಬಹುದು.