ಯೋಗಾಸಕ್ತರಿಗೆ ಯೋಗ ತರಬೇತಿ

ಹಿರಿಯೂರು: ರಾಷ್ಟ್ರೀಯ ಯೋಗಪಟು ನಗರದ ಸ್ಪೂರ್ತಿ ಯೋಗ ಕೇಂದ್ರದ ಎಸ್‌.ಟಿ.. ರಾಘವೇಂದ್ರ ಅವರು ಕಳೆದ ಎರಡು ತಿಂಗಳುಗಳಿಂದ ನಗರದ ಸ್ವಾಮಿ ಅಯ್ಯಪ್ಪ ದೇವಸ್ಥಾನದ ಆವರಣದಲ್ಲಿ ಯೋಗಾಸಕ್ತರಿಗೆ ಯೋಗ ಮತ್ತು ಪ್ರಾಣಾಯಾಮ ತರಬೇತಿ ನೀಡುತ್ತಿದ್ದಾರೆ.

ಕೋವಿಡ್ ವೈರಸ್‌ನಿಂದ ದೂರವಾಗಲು, ಉಸಿರಾಟದ ಸಮಸ್ಯೆ ಬಾರದಂತೆ ದೇಹವನ್ನು ರಕ್ಷಣೆ ಮಾಡಿಕೊಳ್ಳಲು ಯೋಗ, ಪ್ರಾಣಾಯಾಮ ಸಹಕಾರಿ. ಜನರಲ್ಲಿ ಯೋಗ ಜಾಗೃತಿ ಮೂಡಿಸಲು ಯೋಗ ದಿನವನ್ನು ಆಚರಿಸಲಾಗುವುದು. ಪತಂಜಲಿ ಮಹರ್ಷಿಗಳು ಜಗತ್ತಿಗೆ ಅಮೋಘ ಕೊಡುಗೆ ನೀಡಿದ್ದಾರೆ. ಇದರ ಸಾರ್ಥಕತೆಗಾಗಿ ಯೋಗ ದಿನಾಚರಣೆ ನಡೆಯುತ್ತದೆ ಎಂದು ರಾಘವೇಂದ್ರ ತಿಳಿಸಿದ್ದಾರೆ.