ಮದ್ದಳೆ ಭೀಷ್ಮನಿಗೆ ಮನೆಯಲ್ಲೇ ಪ್ರಶಸ್ತಿ ಪ್ರದಾನ

ಉಡುಪಿ: ಮದ್ದಳೆ ನುಡಿತದ ಭೀಷ್ಮ ಹಿರಿಯಡಕ ಗೋಪಾಲ ರಾವ್‌ ಅವರಿಗೆ ರಾಜ್ಯೋತ್ಸವ ಪ್ರಶಸ್ತಿಯನ್ನು ಸಚಿವೆ ಡಾ| ಜಯಮಾಲಾ ಅವರು ಶುಕ್ರವಾರ ಅವರ ಮನೆಗೆ ತೆರಳಿ ಪ್ರದಾನ ಮಾಡಿದರು.

“ಇದು ಸರಕಾರಕ್ಕೆ ಗೌರವ, ನಮ್ಮ ಸೌಭಾಗ್ಯ’ ಎಂದು ಸಚಿವೆ ಈ ಸಂದರ್ಭವನ್ನು ವ್ಯಾಖ್ಯಾನಿಸಿದರು. 99ರ ಹರೆಯದ ಗೋಪಾಲ ರಾವ್‌ ಅವರು ಸಚಿವೆಯ ಸಮ್ಮುಖ ಮದ್ದಳೆ ನುಡಿಸಿದರು. ವೃದ್ಧಾಪ್ಯದ ಹಿನ್ನೆಲೆಯಲ್ಲಿ ಬೆಂಗಳೂರಿಗೆ ತೆರಳಿ ಪ್ರಶಸ್ತಿ ಸ್ವೀಕರಿಸಲು ಸಾಧ್ಯವಾಗಿರಲಿಲ್ಲ.